കാസര്‍കോട്: ചൗക്കിയില്‍ പൊലീസിനു നേരെ അക്രമം. എസ്.ഐയുടെ യൂണിഫോമില്‍ കുത്തിപ്പിടിച്ച് നെയിം പ്ലേറ്റ് പൊട്ടിക്കുകയും പൊലീസുകാരനെ ചവിട്ടി പരിക്കേല്‍പ്പിക്കുകയും ചെയ്തതായി പരാതി. സംഭവത്തില്‍ കേസെടുത്ത പൊലീസ് പ്രതിയായ മൊഗ്രാല്‍പുത്തൂര്‍, മജല്‍ ഹൗസിലെ എം. മുഹമ്മദ് ഷരീഫി(40) നെ ടൗണ്‍ എസ്‌ഐ പ്രദീപ് കുമാര്‍ അറസ്റ്റു ചെയ്തു.
തിങ്കളാഴ്ച വൈകുന്നേരം ഏഴുമണിയോടെ ചൗക്കി ഏരിയാക്കോട്ട ഭഗവതി ക്ഷേത്രത്തിനു സമീപത്ത് വാഹന പരിശോധന നടത്തുകയായിരുന്ന കാസര്‍കോട് ടൗണ്‍ എസ്.ഐ എന്‍. അന്‍സാര്‍, സിവില്‍ പൊലീസ് ഓഫീസര്‍ സനീഷ് ജോസഫ് എന്നിവരാണ് അക്രമത്തിനു ഇരയായത്.
വാഹനപരിശോധന നടത്തുന്നതിനിടയില്‍ എത്തിയ ഓട്ടോയുടെ ഡ്രൈവറാണ് മുഹമ്മദ് ഷരീഫ്. ഓട്ടോ കൈ കാണിച്ച് നിര്‍ത്തി ലൈസന്‍സ് ആവശ്യപ്പെട്ടപ്പോള്‍ എസ്.ഐ.യുടെ യൂണിഫോമില്‍ കുത്തിപ്പിടിച്ച് നെയിംപ്ലേറ്റ് പൊട്ടിക്കുകയും തടയാന്‍ ശ്രമിച്ച പൊലീസുകാരനെ ചവിട്ടി പരിക്കേല്‍പ്പിക്കുകയുമായിരുന്നുവെന്നു പൊലീസ് പറഞ്ഞു.
ഉദുമ പടിഞ്ഞാറിലെആസ്യുമ്മ അന്തരിച്ചു
Wednesday, 30 April 2025, 21:07
