കോട്ടയം: ഏറ്റുമാനൂര്‍ അയര്‍ക്കുന്നം പള്ളിക്കുന്നില്‍ അമ്മയും മക്കളും പുഴയില്‍ ചാടി ആത്മഹത്യ ചെയ്തു. പാലാ മുത്തോലി സ്വദേശിനി അഡ്വ. ജിസ്‌മോള്‍ തോമസും അഞ്ചും രണ്ടും വയസുള്ള പെണ്‍മക്കളുമാണ് മരിച്ചത്. ഏറ്റുമാനൂര്‍ അയര്‍ക്കുന്നം പള്ളിക്കുന്നിലാണ് സംഭവം. ചൊവ്വാഴ്ച ഉച്ചയോടെ പുഴയില്‍ ചാടിയ ജിസ്മോളെയും മക്കളെയും നാട്ടുകാര്‍ ഉടന്‍ കരയ്ക്കെത്തിക്കുകയും കോട്ടയം തെള്ളകത്തെ സ്വകാര്യ ആശുപത്രിയിലേക്ക് മാറ്റിയിരുന്നു. ആരോഗ്യനില ഗുരുതരമായിരുന്ന ഇവര്‍ മരിക്കുകയായിരുന്നു. ജിസ്മോള്‍ മുത്തോലി പഞ്ചായത്തിലെ മുന്‍ പ്രസിഡന്റ് ആണ്.