കോട്ടയം: കോട്ടയത്ത് കുടുംബപ്രശ്നങ്ങളെ തുടർന്ന് കിണറ്റിൽ ചാടിയ ദമ്പതികളെ അഗ്നിരക്ഷാസേന രക്ഷിച്ചു. ഏറ്റുമാനൂരിലാണ് വഴക്കിനെ തുടർന്ന് ഭാര്യ കിണറ്റിൽ ചാടിയത്. രക്ഷിക്കാനായി ചാടിയ ഭർത്താവും കിണറിൽ അകപ്പെട്ടതോടെ അധികൃതരെത്തി രക്ഷിക്കുകയായിരുന്നു. കണപ്പുര സ്വദേശിനി ബിനുവും ഭർത്താവ് ശിവരാജുമാണ് കിണറ്റിൽ ചാടിയത്. വീഴ്ചയിൽ പരുക്കേറ്റ ഇരുവരും ആശുപത്രിയിൽ ചികിത്സ തേടി. കുടുംബ പ്രശ്നങ്ങളാണ് സംഭവത്തിലേക്കു നയിച്ചതെന്നു പൊലീസ് അറിയിച്ചു.