കാസര്‍കോട്: നീലേശ്വരം, പേരോല്‍, ചാത്തമത്ത് പാടാര്‍ കുളങ്ങര ക്ഷേത്രത്തിനു സമീപത്ത് പൊതു സ്ഥലത്ത് കുലുക്കിക്കുത്ത് എന്ന ചൂതാട്ടം നടത്തുകയായിരുന്ന രണ്ടു പേര്‍ അറസ്റ്റില്‍. പേരോല്‍, പുത്തരിയടുക്കം പാവത്ത്കുണ്ടിലെ പി.കെ ശ്രീജിത്ത് (36), പൊടോത്തുരുത്തി കന്യാനില്‍ വീട്ടില്‍ കെ. ജനാര്‍ദ്ദനന്‍ (52) എന്നിവരെയാണ് നീലേശ്വരം എസ്‌ഐ അരുണ്‍ മോഹനനും സംഘവും അറസ്റ്റു ചെയ്തത്. കളിക്കളത്തില്‍ നിന്നു 1200 രൂപയും ചൂതാട്ടത്തിനു ഉപയോഗിച്ച സാമഗ്രികളും കണ്ടെടുത്തു. ഞായറാഴ്ച രാത്രി പത്തരമണിയോടെയാണ് ചൂതാട്ട കേന്ദ്രത്തില്‍ പൊലീസ് റെയ്ഡ് നടത്തിയത്.