കാസര്‍കോട്: സഹപ്രവര്‍ത്തകര്‍ക്ക് സ്‌നേഹ സമ്മാനവും രോഗികള്‍ക്ക് സാന്ത്വനവും നല്‍കി ജനറല്‍ ആശുപത്രിയിലെ ഫിസിഷ്യന്‍ ഡോ. ജനാര്‍ദ്ദന നായിക്ക് ജന്മദിനം ആഘോഷിച്ചു. ആഘോഷത്തിന്റെ ഭാഗമായി കുടുംബശ്രീ ജീവനക്കാര്‍ക്ക് നഴ്‌സിംഗ് സുപ്രണ്ട് നിര്‍മ്മലയുടെ സാന്നിധ്യത്തില്‍ പുതു വസ്ത്രങ്ങളും സഹപ്രവര്‍ത്തകര്‍ക്ക് സ്‌നേഹ സമ്മാനവും നല്‍കി.
കണ്ണിന്റെ ശാസ്ത്രക്രിയ കഴിഞ്ഞ് ചികിത്സയിലായിരുന്ന പാവപ്പെട്ട കുടുംബത്തിലെ രോഗിക്ക് ഒരുവര്‍ഷത്തെ മരുന്നും സൗജന്യമായി നല്‍കി.
ഒരു രോഗിക്ക് ആംബുലന്‍സ് സൗകര്യം ഒരുക്കി ക്കൊടുത്തു.
ആഘോഷങ്ങളും സന്തോഷങ്ങളും പലപ്പോഴും ജനറല്‍ ആശുപത്രിയിലെ പാവപ്പെട്ട രോഗികളെ ചേര്‍ത്തുപിടിച്ചാണ് പങ്കിടുന്നത്. കോവിഡ് ഹീറോ എന്നറിയപ്പെടുന ഡോ. ജനാര്‍ദ്ദന നായിക്ക് സകലകലാ പ്രതിഭ കൂടിയാണ്. നല്ല ഡോക്ടര്‍, മികച്ച നടന്‍, എഴുത്തുകാരന്‍ എന്നീ രംഗങ്ങളിലും ശ്രദ്ധേയനാണ്. രോഗിക്ക് ഒരു വര്‍ഷത്തേക്കുള്ള സഹായം ഡോ: ജനാര്‍ദ്ധനന്‍ നായിക്ക് ആര്‍ എം ഒ ഡോ സന്ധ്യയെ ഏല്‍പ്പിച്ചു. ഡോ സുനില്‍ ചന്ദ്രന്‍, ഡോ. സാഹിദ്, ഡോ സരികശ, ഡോ ഷെമീന, ഡോ രമ്യ, ഡോ അരുണ്‍ രാം, ഡോ നിഖില്‍, ഡോ സുകേഷ്, മാഹിന്‍ കുന്നില്‍, അറഫാത്ത് സംബന്ധിച്ചു.
19 കാരന്‍ ട്രെയിനില്‍ നിന്ന് വീണ് മരിച്ചു
Friday, 30 October 2026, 11:13
