തിരുവനന്തപുരം: കാട്ടാക്കട കുറ്റിച്ചലില് പ്ലസ് വണ് വിദ്യാര്ത്ഥിയെ സ്കൂളില് തൂങ്ങി മരിച്ചനിലയില് കണ്ടെത്തി. എരുമക്കുഴി സ്വദേശി ബെന്സണ് ഏബ്രഹാം(16) ആണ് മരിച്ചത്. സ്കൂളില് പ്രോജക്ട് സമര്പ്പിക്കേണ്ട ദിവസമായിരുന്നു ഇന്ന്. കുട്ടിയെ കഴിഞ്ഞ ദിവസം മുതല് കാണാനില്ലെന്ന് വ്യക്തമാക്കിക്കൊണ്ട് ബന്ധുക്കള് പൊലീസില് പരാതി നല്കിയിരുന്നു. എന്നാല് പൊലീസ് നടത്തിയ അന്വേഷണത്തില് കുട്ടിയെ കുറിച്ച് വിവരങ്ങള് ലഭിച്ചില്ല. വെള്ളിയാഴ്ച രാവിലെ ആറ് മണിയോടെ സ്കൂളില് തൂങ്ങി മരിച്ച നിലയില് മൃതദേഹം കണ്ടെത്തുകയായിരുന്നു. പൊലീസ് എത്തി ഇന്ക്വസ്റ്റ് നടപടികള് ആരംഭിച്ചു.
പകല് സമയത്ത് സ്കൂള് പരിസരത്ത് ഒളിച്ചിരുന്നതിന് ശേഷം രാത്രി ആത്മഹത്യ ചെയ്യുകയായിരുന്നുവെന്നാണ് പൊലീസ് നിഗമനം. സ്കൂളില് പ്രോജക്ട് സമര്പ്പിക്കേണ്ട ദിവസമായിരുന്നു ഇന്ന്. കഴിഞ്ഞ ദിവസം പ്രോജക്ടുമായി സ്കൂളില് എത്തിയെങ്കിലും പ്രോജക്ടില് സീല് പതിക്കാനായി ഓഫീസില് അനുമതിയില്ലാതെ കയറി സീല് എടുത്തത് ക്ലര്ക്ക് കാണുകയും മോശമായ രീതിയില് വഴക്കുപറയുകയും ചെയ്തിരുന്നു. സംഭവം സ്കൂളില് പരസ്യപ്പെടുത്തുമെന്ന് പറഞ്ഞ ക്ലര്ക്കുമായി തര്ക്കം നടന്നതായും പറയപ്പെടുന്നു. കുട്ടിയെ മാനസീകമായി പീഡിപ്പിച്ചിരുന്നുവെന്ന് കുടുംബം ആരോപിച്ചു. ഇതുമായി ബന്ധപ്പെട്ട സമ്മര്ദമാണോ ആശങ്കയിലേക്ക് നയിച്ചത് എന്നതുള്പ്പടെയുള്ള കാര്യങ്ങള് പരിശോധിക്കുന്നുണ്ട്. സംഭവത്തില് ക്ലര്ക്കില് നിന്ന് വിശദീകരണം തേടുമെന്ന് സ്കൂള് അധികൃതര് അറിയിച്ചു.
