കാസര്‍കോട്: കുംബഡാജെ ഗ്രാമ പഞ്ചായത്ത് മുന്‍ പ്രസിഡന്റും വനിതാ ലീഗ് നേതാവുമായിരുന്ന കറുവല്‍ത്തടുക്കയിലെ ഫാത്തിമത്ത് സുഹറ(60) അന്തരിച്ചു. അസുഖത്തെ തുടര്‍ന്ന് ചികില്‍സയിലായിരുന്നു. വെള്ളിയാഴ്ച രാത്രി ചെര്‍ക്കളയിലെ ആശുപത്രിയില്‍ വച്ചാണ് മരണം സംഭവിച്ചത്. ഖബറടക്കം കറുവല്‍ത്തടുക്ക ജുമാ മസ്ജിദ് അങ്കണത്തില്‍ നടന്നു. 2015 ലെ തെരഞ്ഞെടുപ്പിലാണ് പഞ്ചായത്ത് പ്രസിഡന്റായത്. 2010 മുതല്‍ പഞ്ചായത്തംഗമായിരുന്നു. പ്രസിഡന്റായ കാലയളവിലാണ് പഞ്ചായത്തിന് പുതിയ കെട്ടിടവും ഷോപ്പിങ് കോംപ്ലക്‌സും നിര്‍മിച്ചത്. മുഹമ്മദിന്റെയും ആയിശയുടെയും മകളാണ്. സഹോദരങ്ങള്‍: റഫീഖ്, നബീസ(അംഗനവാടി).