തിരുവനന്തപുരം: തലസ്ഥാന നഗരത്തിലെ തമ്പാനൂരിലെ ലോഡ്ജ് മുറിയില്‍ യുവാവിനെയും യുവതിയെയും മരിച്ച നിലയില്‍ കാണപ്പെട്ടു.
ഒരു സ്വകാര്യ ടി.വി ചാനലിലെ ജീവനക്കാരനായ കുമാര്‍, ആശ എന്നിവരുടെ മൃതദേഹമാണ് കണ്ടെത്തിയത്. തിരുവനന്തപുരം പേയാട് സ്വദേശികളാണ് ഇരുവരും. ആശയെ കൊലപ്പെടുത്തിയ ശേഷം കുമാര്‍ ആത്മഹത്യ ചെയ്യുകയായിരുന്നുവെന്നു പൊലീസ് സംശയിക്കുന്നു. ആശയുടെ കഴുത്തില്‍ ഗുരുതരമായ മുറിവുണ്ട്. കുമാറിന്റെ കൈ ഞരമ്പ് മുറിച്ച നിലയിലാണ്. രണ്ടു ദിവസം മുമ്പു കുമാറാണ് മുറി വാടകക്കെടുത്തത്. ശനിയാഴ്ച രാവിലെയാണ് ആശ ഈ മുറിയിലെത്തിയത്. അതിനു ശേഷം ഇരുവരെയും പുറത്തു കാണാതിരുന്നതിനെ തുടര്‍ന്നു ജീവനക്കാര്‍ വിവരം പൊലീസിലറിയിക്കുകയായിരുന്നു. പൊലീസ് എത്തിയ ശേഷമാണ് മൃതദേഹങ്ങള്‍ കണ്ടെത്തിയത്. അന്വേഷണം തുടരുകയാണ്. അന്വേഷണം പൂര്‍ത്തിയായ ശേഷമേ കാരണം വ്യക്തമാവു എന്ന് പൊലീസ് പറയുന്നു.