തിരുവനന്തപുരം: ലൈംഗിക അതിക്രമം നടത്തിയെന്ന ജൂനിയര് ആര്ട്ടിസ്റ്റ് കോ ഓര്ഡിനേറ്ററിന്റെ പരാതിയില് സീരിയല് പ്രൊഡക്ഷന് എക്സിക്യൂട്ടീവിനെതിരെ പൊലീസ് കേസെടുത്തു. പ്രൊഡക്ഷന് എക്സിക്യൂട്ടീവ് അസിം ഫാസിക്കെതിരെ തിരുവല്ലം പൊലീസാണ് കേസെടുത്തത്. കഴിഞ്ഞ ജൂലൈയില് നടന്ന അതിക്രമം സംബന്ധിച്ച് കഴിഞ്ഞ ദിവസമാണ് യുവതി പരാതി നല്കിയത്. ജൂലൈ 7ന് ചിത്രാഞ്ജലി സ്റ്റുഡിയോയിലെ കെട്ടിടത്തിനടുത്തുവച്ച് പ്രതി ലൈംഗികപീഡനം നടത്തണമെന്ന ഉദ്ദേശ്യത്തോടെ പരാതിക്കാരിയെ പിന്നിലൂടെ കയ്യിട്ടു കെട്ടിപ്പിടിച്ചുവെന്നാണ് എഫ്ഐആറില് പറയുന്നത്. വിവരം പുറത്തു പറഞ്ഞാല് ഒരു സീരിയലിലും ജോലി ചെയ്യാന് അനുവദിക്കില്ലെന്ന് പ്രതി ഭീഷണിപ്പെടുത്തിയെന്നും പൊലീസ് പറയുന്നു. സംഭവത്തില് പൊലീസ് അന്വേഷണം ഊര്ജിതമാക്കിയിട്ടുണ്ട്.
