മംഗ്‌ളൂരു: സ്വകാര്യ ബസ് യാത്രക്കിടയില്‍ സിനിമാ-സീരിയല്‍ നടന്റെ ഭാര്യയ്ക്ക് മൂട്ടയുടെ കടിയേറ്റ സംഭവത്തില്‍ 1.29 ലക്ഷം രൂപ നഷ്ടപരിഹാരം നല്‍കാന്‍ കര്‍ണ്ണാടക സംസ്ഥാന ഉപഭോക്തൃ ഫോറം വിധിച്ചു. നടന്‍ പാവൂര്‍ ശോഭരാജിന്റെ ഭാര്യ ദീപിക സുവര്‍ണ്ണയ്ക്ക് നഷ്ടപരിഹാരം നല്‍കാനാണ് ഫോറം പ്രസിഡണ്ട് സോമശേഖരപ്പ, അംഗം ശാരദ എന്നിവര്‍ വിധിച്ചത്.
2022 ആഗസ്ത് 16ന് രാത്രിയാണ് സംഭവം. മംഗ്‌ളൂരുവില്‍ നിന്നു ബംഗ്‌ളൂരുവിലേക്ക് പോവുകയായിരുന്ന ബസിലെ യാത്രക്കാരിയായിരുന്നു ദീപിക സുവര്‍ണ്ണ. യാത്രയ്ക്കിടയില്‍ മൂട്ട കടിച്ചതോടെ അലര്‍ജി ഉണ്ടാവുകയും ഉറക്കം നഷ്ടപ്പെടുകയും ആശുപത്രിയില്‍ ചികിത്സ തേടുകയും വലിയ സാമ്പത്തിക ബാധ്യത ഉണ്ടാവുകയും മാനനഷ്ടം സംഭവിക്കുകയും ചെയ്തതായി ചൂണ്ടികാണിച്ച് നൽകിയ പരാതിയിലാണ് ദീപികക്ക് ഉപഭോക്തൃ ഫോറം 1.29 ലക്ഷം രൂപ നഷ്ടപരിഹാരം വിധിച്ചത്.