ചെന്നൈ: തനിച്ച് വീട്ടിലേക്ക് വരാന് ഇയാള് ആവശ്യപ്പെട്ട ജയിലറെ നടുറോഡില് ചെരുപ്പൂരി തല്ലി പെണ്കുട്ടി. മധുര സെന്ട്രല് ജയില് അസി. ജയിലര് ബാലഗുരുസ്വാമിക്കാണ് മര്ദനമേറ്റത്. ജയിലിലെ തടവുകാരന്റെ ചെറുമകളാണ് പെണ്കുട്ടി. പെണ്കുട്ടിയുമായുള്ള പരിചയം മുതലെടുത്ത് തനിച്ച് വീട്ടിലേക്ക് വരാന് ഇയാള് ആവശ്യപ്പെട്ടു എന്നാണ് ആരോപണം. തുടര്ന്ന് പെണ്കുട്ടി ബന്ധുക്കളെയും കൂട്ടിയെത്തി ജയിലറെ പൊതിരെ തല്ലുകയായിരുന്നു. തുടര്ന്ന് ഇയാളെ പൊലീസ് സ്റ്റേഷനിലെത്തിച്ചു. ജയിലറെ യുവതി മര്ദിക്കുന്ന വീഡിയോ സമൂഹമാധ്യമങ്ങളില് പ്രചരിച്ചു. സംഭവത്തിന് പിന്നാലെ പെണ്കുട്ടിയുടെ പരാതിയില് ബാലഗുരുസ്വാമിക്കെതിരെ സ്ത്രീകള്ക്കെതിരായ അതിക്രമം തടയല് നിയമപ്രകാരം മധുര പൊലീസ് കേസെടുത്തു. ഇയാളെ സസ്പെന്റ് ചെയ്യുകയും ചെയ്തു.
തൃക്കരിപ്പൂര് എടാട്ടുമ്മലില് ഒറ്റയ്ക്ക് താമസിക്കുന്ന സ്ത്രീ വീട്ടിനുള്ളില് മരിച്ച നിലയില്
Saturday, 19 September 2026, 14:50
