ലഖ്നൗ: ഉത്തര്‍പ്രദേശില്‍ ഓടുന്ന ബസില്‍ നിന്ന് മുറുക്കാന്‍ തുപ്പാന്‍ ശ്രമിച്ച 45 കാരന് ദാരുണാന്ത്യം. റാം ജിയാവന്‍ എന്ന ആളാണ് മരിച്ചത്. ശനിയാഴ്ച രാവിലെയായിരുന്നു സംഭവം. ഭാര്യക്കൊപ്പം അസംഗഡിലേക്കുള്ള യാത്രക്കിടെയായിരുന്നു സംഭവം. ഉത്തര്‍പ്രദേശ് റോഡ് വേയ്സിന്റെ എസി ബസില്‍ നിന്ന് മുറുക്കി തുപ്പാന്‍ ശ്രമിക്കുന്നതിനിടെയായിരുന്നു അപകടം. ബാല്‍ദിരൈ പൊലീസ് സ്റ്റേഷന്‍ പരിധിയിലെ ബിഹി ഗ്രാമത്തിന് സമീപത്ത് എത്തിയപ്പോളാണ് 45 കാരന് മുറുക്കാന്‍ തുപ്പാനായി ബസിന്റെ ഡോര്‍ തുറന്നത്. എസി ബസ് ആയതിനാല്‍ ബസിന്റെ ജനലുകള്‍ തുറക്കാന്‍ കഴിഞ്ഞില്ല. ഇതോടെയാണ് റാം ബസിന്റെ വാതില്‍ തുറക്കുകയായിരുന്നു. നില തെറ്റിയതോടെ റാം ജിയാവന്‍ റോഡിലേക്ക് തെറിച്ച് വീണു. ബസ് ജീവനക്കാരും യാത്രക്കാരും ചേര്‍ന്ന് ഇയാളെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
സർക്കാർ ജീവനക്കാരുടെ അനിശ്ചിത കാല പണിമുടക്ക് അനിവാര്യം: കേരള എൻ ജി ഒ സംഘ്
Sunday, 23 March 2025, 20:04
