മംഗ്‌ളൂരു: എട്ടുവയസ്സുള്ള പെണ്‍കുട്ടിയെ ഓട്ടുകമ്പനിയിലേക്ക് സൂത്രത്തില്‍ വിളിച്ചു കൊണ്ടുപോയി പീഡിപ്പിച്ചു കൊലപ്പെടുത്തിയ കേസിലെ മൂന്നു പ്രതികള്‍ക്കു വധശിക്ഷ. മധ്യപ്രദേശ് സ്വദേശികളായ ജയബന്ദ് എന്ന ജയസിംഗ് (21), മുകേഷ് സിംഗ് (20), ഝാര്‍ഖണ്ഡ് സ്വദേശി മനീഷ് തിര്‍ക്കി (33) എന്നിവരെയാണ് മംഗ്‌ളൂരു ജില്ലാ അഡീഷണല്‍ സെഷന്‍സ് (രണ്ട്) പോക്‌സോ കോടതി തൂക്കിക്കൊല്ലാന്‍ വിധിച്ചത്. പ്രതികള്‍ ദയ അര്‍ഹിക്കുന്നില്ലെന്നും അപൂര്‍വ്വങ്ങളില്‍ അപൂര്‍വ്വമായ കൊലപാതകമാണെന്നും വിലയിരുത്തിയാണ് കോടതി വധശിക്ഷ വിധിച്ചത്.
2021 നവംബര്‍ 20ന് ആണ് കേസിനാസ്പദമായ സംഭവം. എട്ടുവയസ്സുള്ള പെണ്‍കുട്ടിയെ കിറുവയലിലെ ഓട്ടു കമ്പനിയിലേക്ക് കൊണ്ടുപോയി ക്രൂരമായി പീഡിപ്പിച്ച ശേഷം കൊലപ്പെടുത്തിയെന്നാണ് പ്രോസിക്യൂഷന്‍ കേസ്.