കാസര്‍കോട്: സെയില്‍സ്‌ഗേളായ യുവതിയെ വിവിധ സ്ഥലങ്ങളിലേക്ക് കൂട്ടിക്കൊണ്ടു പോയി പീഡിപ്പിച്ചതായി പരാതി. യുവതി നല്‍കിയ പരാതി പ്രകാരം ബലാത്സംഗത്തിനു കേസെടുത്ത കാസര്‍കോട് ടൗണ്‍ പൊലീസ് പ്രതിയെ കസ്റ്റഡിയിലെടുത്തു. സീതാംഗോളി സ്വദേശിയായ ശരത് (27) ആണ് പിടിയിലായത്. കാസര്‍കോട്ടെ വ്യാപാര സ്ഥാപനത്തില്‍ സെയില്‍സ്മാനാണ് ശരത്. നഗരത്തില്‍ വെച്ച് പരിചയപ്പെട്ട ഇരുവരും പ്രണയത്തിലാവുകയും പിന്നീട് വിവാഹവാഗ്ദാനം നല്‍കി 25കാരിയായ പരാതിക്കാരിയെ വിവിധ സ്ഥലങ്ങളിലേക്ക് കൂട്ടിക്കൊണ്ടു പോയി പീഡിപ്പിക്കുകയായിരുന്നുവെന്നാണ് കേസ്. വിവാഹ വാഗ്ദാനത്തില്‍ നിന്നു പിന്മാറിയതിനെ തുടര്‍ന്നാണ് യുവതി പൊലീസിനെ സമീപിച്ചത്.