കാസര്കോട്: മുളിയാര്, ചൂരിമൂലയിലെ മൈമൂനയുടെ ദുരൂഹമരണത്തിനു കാരണക്കാരായവരെ നിയമത്തിനു മുന്നില് കൊണ്ടുവരണമെന്ന് ആവശ്യപ്പെട്ട് ആക്ഷന് കമ്മിറ്റിയുടെ നേതൃത്വത്തില് ആദൂര് പൊലീസ് സ്റ്റേഷനിലേക്ക് മാര്ച്ച് നടത്തി. ആക്ഷന് കമ്മിറ്റി ചെയര്മാനും മുളിയാര് ഗ്രാമപഞ്ചായത്തംഗവുമായ പി.എസ് അബ്ദുല് ജുനൈദ് ഉദ്ഘാടനം ചെയ്തു. കണ്വീനറും പഞ്ചായത്തംഗവുമായ സി.കെ.എം മുനീര്, അബ്ദുല് റഹ്മാന്, ധന്യാവാദ് തുടങ്ങിയവര് പ്രസംഗിച്ചു.
2024 മാര്ച്ച് അഞ്ചാം തീയതിയാണ് പരിയാരം മെഡിക്കല് കോളേജില് ചികിത്സയിലിരിക്കെ മൈമൂന മരണപ്പെട്ടത്.
മൈമൂന മുഖേന ഓണ്ലൈന് തട്ടിപ്പ് സംഘം നാലരക്കോടിയോളം രൂപ തട്ടിയെടുത്തിട്ടുണ്ടെന്നാണ് ആക്ഷന് കമ്മിറ്റി ആരോപിക്കുന്നത്. മൈമൂനയുടെ മരണത്തിനു പിന്നില് ഓണ്ലൈന് മാഫിയാസംഘമാണെന്നും ഇക്കാര്യം അന്വേഷിച്ചു പുറത്തു കൊണ്ടുവരണമെന്നും ആക്ഷന് കമ്മിറ്റി ആവശ്യപ്പെട്ടു.
