കാസര്‍കോട്: ഉപ്പളയിലെ യുവകരാറുകാരനെ ദുരൂഹസാഹചര്യത്തില്‍ കാണാതായി. മണ്ണംകുഴി സ്വദേശിയും കരാറുകാരനുമായ ഇബ്രാഹിമിന്റെ മകന്‍ ഷെരീഫി(32)നെയാണ് കാണാതായത്. ചൊവ്വാഴ്ച വൈകുന്നേരം ആറുമണിയോടെയാണ് ഷെരീഫ് സ്‌കൂട്ടറുമായി വീട്ടില്‍ നിന്നും ഇറങ്ങിയത്. രാത്രി ഏഴരമണിയോടെ ഷെരീഫിന്റെ സ്‌കൂട്ടര്‍ ഷിറിയ പാലത്തിനു സമീപത്തു നിര്‍ത്തിയിട്ട നിലയില്‍ കാണപ്പെട്ടു. ഈ വിവരം ആരോ വീട്ടുകാരെ അറിയിച്ചു. വീട്ടുകാര്‍ ഷെരീഫിനെ മൊബൈല്‍ ഫോണില്‍ വിളിച്ചുവെങ്കിലും സ്വിച്ച് ഓഫ് എന്ന മറുപടിയാണ് ലഭിച്ചത്. പല തവണ വിളിച്ചിട്ടും ഫലം ഉണ്ടായില്ല. തുടര്‍ന്നാണ് പിതാവ് ഇബ്രാഹിം മഞ്ചേശ്വരം പൊലീസില്‍ പരാതി നല്‍കിയത്. ഷെരീഫിനെ കണ്ടെത്താന്‍ പൊലീസ് അന്വേഷണം ആരംഭിച്ചു.
ഏഴ് പതിറ്റാണ്ടിൻ്റെ കാത്തിരിപ്പ്: പെരിയ പരപ്പക്കെട്ട് വയനാട്ട് കുലവൻ തെയ്യം കെട്ടിന് നാടൊരുങ്ങി
Sunday, 1 November 2026, 11:03
