കാസർകോട് : കന്യാപാടിയിൽ എക്സൈസ് നടത്തിയ പരിശോധനയിൽ കഞ്ചാവുമായി യുവാവ് അറസ്റ്റിലായി. മഞ്ചേശ്വരം മുഖാരികണ്ടം ക്വർട്ടർസിൽ താമസിക്കുന്ന പി എസ് ആഷിഖ് ( 27 ) ആണ് എക്സൈസിന്റെ പിടിയിലായത്. എക്സൈസ് റേഞ്ച് ഇൻസ്പെക്ടർ സുബിൻരാജും സംഘവും ചേർന്ന് കന്യാപാടിയിൽ വെച്ച് 1.180 കിലോ കഞ്ചാവ് കൈവശം വെച്ചതിനാണ് പ്രതിയെ പിടികൂടിയത്. യുവാവിനെതിരെ എൻഡിപിഎസ് കേസെടുത്തു അറസ്റ്റ് രേഖപ്പെടുത്തി. കോടതി മുമ്പാകെ ഹാജരാക്കിയ പ്രതിയെ കാഞ്ഞങ്ങാട് ജില്ലാ ജയിലിൽ റിമാൻഡ് ചെയ്തു. പ്രിവൻറീവ് ഓഫീസർ മഞ്ജുനാഥ ആൾവ, പ്രിവൻ്റീവ് ഓഫീസർ (ഗ്രേഡ്)നൗഷാദ്, സിവിൽ എക്സൈസ് ഓഫീസർ മാരായ മോഹനകുമാർ, വിനോദ് കെ, നസറുദ്ധീൻ, സിവിൽ എക്സൈസ് ഓഫീസർ(ഡ്രൈവർ) ക്രിസ്റ്റി എന്നിവരാണ് എക്സൈസ് സംഘത്തിൽ ഉണ്ടായിരുന്നത്.
