കണ്ണൂര്‍: ഭര്‍ത്താവ് പാര കൊണ്ട് ഭാര്യയെ തലക്കടിച്ചു കൊന്നു. കണ്ണൂര്‍ കുടിയാന്മല നെല്ലിക്കുറ്റിയിലാണ് സംഭവം. മേട്ടുംപുറത്ത് ഭവാനി(75)യാണ് കൊല്ലപ്പെട്ടത്. ഭവാനിയെ ഭര്‍ത്താവ് നാരായണന്‍ പാരകൊണ്ട് തലക്കടിച്ചു കൊലപ്പെടുത്തുകയായിരുന്നു. വ്യാഴാഴ്ച പുലര്‍ച്ചെയാണ് സംഭവം. ഇവര്‍ തമ്മില്‍ വാക്കുതര്‍ക്കമുണ്ടാകുകയും അതേ തുടര്‍ന്നുണ്ടായ സംഘര്‍ഷത്തിനുമൊടുവിലാണ് നാരായണന്‍ ഭാര്യയെ കൊലപ്പെടുത്തിയതെന്നാണ് വിവരം. പൊലീസ് എത്തി നാരായണനെ കസ്റ്റഡിയിലെടുത്തു. ഇയാള്‍ക്ക് മാനസികാസ്വാസ്ഥ്യം ഉണ്ടായിരുന്നതായി നാട്ടുകാര്‍ പറയുന്നു.