ബംഗളൂരു: സോഫ്റ്റ്‌വെയര്‍ കമ്പനി ജീവനക്കാരിയെ ആത്മഹത്യചെയ്ത നിലയില്‍ കണ്ടെത്തി. ഗംഗമനഗുഡി പൊലീസ് സ്റ്റേഷന്‍ പരിധിയിലെ അബ്ബാഗരെ ലക്ഷ്മി ലേ ഔട്ടിലെ വീട്ടിലാണ് പൂജ(26)എന്ന യുവതി മരിച്ചത്. സോഫ്റ്റ്‌വെയര്‍ കമ്പനി ജീവനക്കാരനായ സുനിലാണ് ഭര്‍ത്താവ്. ഒരുവര്‍ഷം മുമ്പാണ് വിവാഹം. അതേസമയം സ്ത്രീധനത്തിന്റെ പേരിലുള്ള പീഡനം മൂലമാണ് മകള്‍ ആത്മഹത്യചെയ്തതെന്ന് മാതാവ് പൊലീസില്‍ പരാതിപ്പെട്ടു. അസ്വാഭാവിക മരണത്തിനും മാതാവിന്റെ പരാതിയിലും പൊലീസ് കേസെടുത്തു.