മോഷ്ടിക്കാന്‍ കയറിയ വീട്ടില്‍ ക്ഷമാപണ കുറിപ്പെഴുതി വച്ച് കള്ളന്‍. വിരമിച്ച അധ്യാപക ദമ്പതികളുടെ വീട്ടില്‍ കയറിയ കള്ളനാണ് ഒരുമാസത്തിനകം സാധനങ്ങള്‍ തിരികെ നല്‍കുമെന്ന് ക്ഷമാപണ കുറിപ്പ് എഴുതിവച്ച് സ്ഥലം വിട്ടത്. തമിഴ്നാട്ടിലെ മേഘനാപുരത്താണ് സംഭവം നടന്നത്. ജൂണ്‍ പതിനേഴിന് ചെന്നൈയിലുള്ള സെല്‍വിനും ഭാര്യയും മകനെ കാണാനായി ഇരുവരും പോയപ്പോഴാണ് മേഘനാപുരത്തെ വീട്ടില്‍ മോഷണം നടന്നത്. വീടും പരിസരവും വൃത്തിയാക്കാന്‍ സെല്‍വി എന്ന ജോലിക്കാരിയെ ഏല്‍പ്പിച്ചാണ് ഇരുവരും പോയത്. അതിന്റെ അടിസ്ഥാനത്തില്‍ ജൂണ്‍ 26ന് ജോലിക്കാരി എത്തിയപ്പോള്‍ വീടിന്റെ മുന്‍വശത്തെ വാതില്‍ തുറന്നുകിടക്കുന്നതാണ് കണ്ടത്. ഉടന്‍ തന്നെ ജോലിക്കാരി വിവരം വീട്ടുടമയെ അറിയിച്ചു. അവര്‍ വീട്ടിലെത്തിയപ്പോള്‍ വീട്ടിലെത്തിയ സെല്‍വി 60,000 രൂപയും 12 ഗ്രാം സ്വര്‍ണാഭരണങ്ങളും ഒരു ജോടി വെള്ളി പാദസരവും കവര്‍ന്നതായി കണ്ടെത്തി. പൊലീസ് വീട്ടില്‍ പരിശോധന നടത്തുന്നതിനിടെ മോഷ്ടാവ് എഴുതിവച്ചതെന്ന് സംശയിക്കുന്ന കുറിപ്പും കണ്ടെത്തി.
മോഷ്ടിച്ച വസ്തുക്കള്‍ ഒരു മാസത്തിനുള്ളില്‍ തിരികെ നല്‍കുമെന്ന് കുറിപ്പില്‍ പറയുന്നു.
മേഘനാപുരം പൊലീസ് കേസെടുത്ത് അന്വേഷണം ആരംഭിച്ചു.
ഭാര്യ മരണപ്പെട്ടതില് മനംനൊന്ത് ബദിയഡുക്കയിലെ ഹോട്ടല് ഉടമ ജീവനൊടുക്കി
Sunday, 16 March 2025, 12:20
