ലൗജിഹാദ്: വി.എച്ച്.പിയുടെ ബദിയഡുക്ക പൊലീസ് സ്റ്റേഷന്‍ മാര്‍ച്ച് നാളെ; കനത്ത ബന്തവസ് ഒരുക്കി പൊലീസ്

കാസര്‍കോട്: ലൗജിഹാദിന് പൊലീസ് ഒത്താശ ചെയ്യുന്നുവെന്ന് ആരോപിച്ച് വി.എച്ച്.പി ശനിയാഴ്ച ബദിയടുക്ക സ്റ്റേഷനിലേക്ക് മാര്‍ച്ച് നടത്തും. വി.എച്ച്.പി മണ്ഡലം പ്രസിഡണ്ട് സുനില്‍ കിന്നിമാണിയാണ് ഇക്കാര്യം അറിയിച്ചത്. ലൗജിഹാദ് സംബന്ധിച്ച് കൃത്യമായ വിവരം ലഭിച്ചിട്ടും രണ്ട് പ്രധാന ഉദ്യോഗസ്ഥര്‍ ഒത്താശ ചെയ്തു കൊടുക്കുകയായിരുന്നുവെന്നും അദ്ദേഹം ആരോപിച്ചു. രാവിലെ 10 മണിക്ക് ബദിയടുക്ക ഗണേശ് മന്ദിര പരിസരത്ത് നിന്നാണ് മാര്‍ച്ച് ആരംഭിക്കുക. മാര്‍ച്ച് വിജയിപ്പിക്കുന്നതിന് വിപുലമായ ഒരുക്കങ്ങളാണ് നടന്നുവരുന്നത്. അതേ സമയം മാര്‍ച്ചിന് കനത്ത ബന്തവസ് ഏര്‍പ്പെടുത്താനാണ് പൊലീസിന്റെ തീരുമാനം.

Leave a Reply

Your email address will not be published. Required fields are marked *

You cannot copy content of this page