കിണറില്‍ കുടുങ്ങിയ ആളെ രക്ഷിക്കാനിറങ്ങിയ 55 കാരന്‍ ശ്വാസം മുട്ടി മരിച്ചു

കിണറിനുള്ളില്‍ കുടുങ്ങിയ യുവാവിനെ രക്ഷപ്പെടുത്താന്‍ ഇറങ്ങിയ 55 കാരന്‍ ശ്വാസംമുട്ടി മരിച്ചു. താമരക്കുളം പാറയില്‍ തെന്നാട്ടും വിളയില്‍ ബാബു ആണ് മരിച്ചത്. താമരക്കുളം ഇരപ്പന്‍പാറ സ്വദേശിയായ അനീഷിന്റെ വീട്ടിലെ മോട്ടോര്‍ നന്നാക്കാന്‍ ഇറങ്ങിയതായിരുന്നു സുഭാഷ്. കിണറില്‍ സുഭാഷിനു ശ്വാസം മുട്ടിയപ്പോള്‍ രക്ഷിക്കാന്‍ ഇറങ്ങിയതായിരുന്നു ചെത്തുതൊഴിലാളിയായ ബാബു. സുഭാഷിനെ മുകളിലേക്ക് കയറ്റിയ ശേഷം ബാബു കിണറില്‍ നിന്ന് കയറാന്‍ ശ്രമിക്കുന്നതിനിടെ ശ്വാസം മുട്ട് അനുഭവപ്പെടുകയായിരുന്നു. ശ്വാസം കിട്ടാതെ കിണറ്റില്‍ വീണു. ഇയാളെ ഉടന്‍ കിണറിന് പുറത്തെത്തിച്ചെങ്കിലും ജീവന്‍ രക്ഷിക്കാനായില്ല.

Leave a Reply

Your email address will not be published. Required fields are marked *

You cannot copy content of this page