കണ്ണൂര്‍: ഇടത് മുന്നണി കണ്‍വീനര്‍ ഇ.പി ജയരാജന്റെ വീട്ടിലേക്ക് ബിജെപി നേതാവ് പ്രകാശ് ജാവദേക്കര്‍ പോയത് ചായ കുടിക്കാനോയെന്ന് കെപിസിസി പ്രസിഡണ്ട് കെ. സുധാകരന്‍ ചോദിച്ചു. വോട്ട് രേഖപ്പെടുത്തിയ ശേഷം പുറത്തിറങ്ങിയ അദ്ദേഹം മാധ്യമപ്രവര്‍ത്തകരോട് സംസാരിക്കുന്നതിനിടയിലാണ് ഈ ചോദ്യം ഉന്നയിച്ചത്. എല്ലാവര്‍ക്കും പോകാന്‍ ഇ.പി ജയരാജന്റെ വീടെന്താ ചായക്കടയാണോ? അല്ലെന്നാണ് ഞാന്‍ കരുതുന്നത്. മുഖ്യമന്ത്രിയോടുള്ള എതിര്‍പ്പ് കൊണ്ടാണ് ഇ.പി ജയരാജന്‍ ബി.ജെ.പിയില്‍ ചേരാനൊരുങ്ങുന്നത്-സുധാകരന്‍ പറഞ്ഞു.