എംസി റോഡില് പെരുമ്പാവൂര് താന്നിപ്പുഴയില് ടിപ്പര് ബൈക്കില് കയറിയിറങ്ങി അച്ഛനും മകളും മരിച്ചു. കോതമംഗലം കറുകടം സ്വദേശി എല്ദോസും മകള് ബ്ലസ്സിയുമാണ് മരിച്ചത്. ബുധനാഴ്ച രാവിലെ എട്ടുമണിയോടെ താന്നിപ്പുഴ പള്ളിക്ക് മുന്വശത്തായാണ് അപകടം നടന്നത്. ബൈക്കിന്റെ പിന്നിലായി ടിപ്പര് ഇടിക്കുകയായിരുന്നു. ഏകദേശം 10 മീറ്ററോളം മുന്നിലേക്ക് നിരങ്ങി നീങ്ങിയ ശേഷമാണ് വാഹനങ്ങള് നിന്നത്. നഴ്സിംഗ് വിദ്യാര്ഥിനിയായ മകളെ അങ്കമാലി റെയില്വേ സ്റ്റേഷനിലേക്ക് കൊണ്ടുപോകുന്ന വഴിയാണ് അപകടം നടന്നത്. ബ്ലെസി സംഭവസ്ഥലത്തും എല്ദോ ആശുപത്രിയിലേക്കുള്ള വഴിമധ്യേയുമാണ് മരണപ്പെടുന്നത്. പൊലീസും ഫയര്ഫോഴ്സും സ്ഥലത്തെത്തി മൃതദേഹങ്ങള് അങ്കമാലിയിലെ സ്വകാര്യ ആശുപത്രിയിലേക്ക് മാറ്റി. പാലക്കാട് കൃഷി അസിസ്റ്റന്റാണ് എല്ദോ.
വെള്ളരിക്കുണ്ടിൽ പൊലീസ് ജീപ്പും ഓട്ടോയും കൂട്ടിയിടിച്ച് ഓട്ടോ ഡ്രൈവർ മരിച്ചു
Thursday, 30 April 2026, 20:38
