കാസര്കോട്: വീട്ടുപറമ്പില് ചപ്പുചവറുകള്ക്ക് തീയിടുന്നതിനിടയില് നൈറ്റിയിലേക്ക് തീ പടര്ന്ന് ഗുരുതരമായി പൊള്ളലേറ്റ വീട്ടമ്മ മരിച്ചു. വൊര്ക്കാടി, തവിട്ഗോളി, സുന്നങ്കള സ്വദേശി പരേതനായ സേവ്യറുടെ ഭാര്യ ആഗ്നസ് മൊന്തേരോ(66) ആണ് ചൊവ്വാഴ്ച വൈകുന്നേരത്തോടെ മരിച്ചത്. മാര്ച്ച് 11ന് വീട്ടുപറമ്പില് കൂട്ടിയിട്ട ചപ്പുചവറുകള്ക്ക് തീയിടുന്നതിനിടയിലായിരുന്നു പൊള്ളലേറ്റത്. നൈറ്റിയിലേക്ക് തീ പടര്ന്ന് ഗുരുതരമായി പൊള്ളലേറ്റ ആഗ്നസിനെ നാട്ടുകാരാണ് ആശുപത്രിയിലെത്തിച്ചത്. സംഭവത്തില് മഞ്ചേശ്വരം പൊലീസ് കേസെടുത്തു. മക്കള്: നാന്സി ഡിസൂസ, വില്ഫ്രഡ് ഡിസൂസ, സോഫ്ത്തി ഡിസൂസ, ഹെറാള്ഡ, റിച്ചാര്ഡ്.
![](https://mlozaudj56ft.i.optimole.com/w:1373/h:773/q:mauto/f:best/https://malayalam.karavaldaily.com/wp-content/uploads/2024/07/pocso-arrest.jpg)