ചെങ്കല്‍പ്പേട്ട്: തമിഴ്‌നാട്, ചെങ്കല്‍പേട്ടില്‍ ലോറി കയറിയിറങ്ങി നാലു വിദ്യാര്‍ത്ഥികള്‍ അതിദാരുണമായി മരണപ്പെട്ടു. ചൊവ്വാഴ്ച രാവിലെ ചെന്നൈ, തിരുച്ചിറപ്പള്ളി ദേശീയ പാതയിലാണ് അപകടം. ഒരു ലോറിയെ ബസ് ഓവര്‍ടേക്ക് ചെയ്യുന്നതിനിടയില്‍ ചെറുതായി ഉരസി. ഇതിനിടയില്‍ ബസ് വെട്ടിച്ചു മാറ്റിയപ്പോള്‍ സ്റ്റെപ്പില്‍ നിന്നു യാത്ര ചെയ്യുകയായിരുന്ന നാലു വിദ്യാര്‍ത്ഥികള്‍ റോഡിലേക്ക് തെറിച്ചുവീണാണ് അപകടം. നാലു വിദ്യാര്‍ത്ഥികളുടെയും മേല്‍ ലോറി കയറിയിറങ്ങിയെന്ന് ദൃക്‌സാക്ഷികള്‍ പറഞ്ഞു.
