തൊടുപുഴ:ഇടുക്കി അടിമാലിയിൽ കാട്ടാനയുടെ ചവിട്ടേറ്റ വയോധിക മരിച്ചു. കാഞ്ഞിരവേലി മുണ്ടോന് ഇന്ദിര രാമകൃഷ്ണനാണ് മരിച്ചത്. സ്വന്തം കൃഷിയിടത്തില് നിന്ന് മലയിഞ്ചി പറിക്കുന്നതിനിടെയാണ് കാട്ടാനയുടെ ആക്രമണം ഉണ്ടായത്. കഴിഞ്ഞ ദിവസം മേഖലയില് കാട്ടുതീ ഉണ്ടായതിനെ തുടര്ന്ന് കാട്ടാനക്കൂട്ടം ജനവാസമേഖലയില് ഇറങ്ങിയിരുന്നു. ഇക്കാര്യം നാട്ടുകാര് വനംവകുപ്പിനെ അറിയിച്ചിരുന്നു എങ്കിലും കാട്ടാനക്കൂട്ടത്തെ കാട്ടിലേക്ക് തുരത്താന് വേണ്ട നടപടികള് വനംവകുപ്പ് ഉദ്യോഗസ്ഥര് സ്വീകരിച്ചിരുന്നില്ല എന്ന ആക്ഷേപം ഉയർന്നിട്ടുണ്ട്. അതിനിടെയാണ് സ്വന്തം കൃഷിയിടത്തില് വച്ച് സ്ത്രീക്ക് നേരെ കാട്ടാനയുടെ ആക്രമണം ഉണ്ടായത്. ഇവരുടെ പുരയിടത്തിലെത്തിയ കാട്ടാനയെ തുരത്തുന്നതിനിടെ കാട്ടാന ഇന്ദിരയുടെ നേരെ തിരിയുകയും ഇവരെ ആക്രമിക്കുകയും ചെയ്യുകയായിരുന്നു. ഉടന് തന്നെ കോതമംഗലം താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല.
