WEB EDITOR, Author at Karaval Daily : Page 195 of 202

രാഗം ജങ്ഷനിലും പെര്‍വാഡും ഫൂട്ട് ഓവര്‍ ബ്രിഡ്ജ് നിര്‍മിക്കുന്നത് പരിഗണിക്കും; മന്ത്രി റിയാസ്

by WEB EDITORKasaragod, Latest, local Wednesday, 3 July 2024, 11:24Wednesday, 3 July 2024, 11:28No Comments

തിരുവനന്തപുരം: ഉപ്പളയിലെ രാഗം ജങ്ഷനിലും പെര്‍വാഡും ഫൂട്ട് ഓവര്‍ ബ്രിഡ്ജ് നിര്‍മിക്കുന്നത് പരിഗണിക്കുമെന്നു മന്ത്രി പി.എ മുഹമ്മദ് റിയാസ് നിയമസഭയില്‍ അറിയിച്ചു. എ.കെ.എം അഷ്‌റഫ് എം.എല്‍.എയുടെ സബ്മിഷനു മറുപടി പറയുകയായിരുന്നു മന്ത്രി. രാഗം ജങ്ഷനില്‍ അടിപ്പാത അനുവദിക്കാനും, ഉപ്പളയിലെ മേല്‍പ്പാലത്തിന്റെ നീളം കൂട്ടാനും സാങ്കേതിക ബുദ്ധിമുട്ടുണ്ടെന്ന് മന്ത്രി പറഞ്ഞു. ഉപ്പളയിലെ മേല്‍പ്പാലത്തിന്റെ നീളം വര്‍ധിപ്പിക്കാനും കാല്‍നട യാത്രക്കാരുടെ സുരക്ഷിതത്വത്തിന് സര്‍വീസ് റോഡിനോട് ചേര്‍ന്ന് ബസ് വേ സൗകര്യം ഒരുക്കാനും തയ്യാറാകണമെന്ന് എം.എല്‍.എ സബ്മിഷനിലൂടെ ആവശ്യപ്പെട്ടിരുന്നു. ദേശീയപാത തലപ്പാടി-ചെങ്കള …

മഞ്ചേശ്വരം സര്‍വ്വീസ് ബാങ്ക് മുന്‍ പ്രസിഡണ്ടും സിപിഐ നേതാവുമായ ബി.എം അനന്ത അന്തരിച്ചു

by WEB EDITORKasaragod, Latest, Local News Wednesday, 3 July 2024, 11:21Wednesday, 3 July 2024, 11:23No Comments

കാസര്‍കോട്: മഞ്ചേശ്വരം സര്‍വ്വീസ് സഹകരണ ബാങ്ക് പ്രസിഡണ്ടും സിപിഐ കാസര്‍കോട് ജില്ലാ കൗണ്‍സില്‍ അംഗവും മുന്‍ ജില്ലാ വ്യവസായ കേന്ദ്രം മാനേജറുമായ ബി.എം അനന്ത (90) അന്തരിച്ചു. മഞ്ചേശ്വരം റെയില്‍വെ സ്റ്റേഷന് സമീപത്തെ അക്ഷയ നിലയത്തില്‍ താമസിച്ചുവരികയായിരുന്നു.വാര്‍ധക്യസഹജമായ അസുഖത്തെത്തുടര്‍ന്ന് വിശ്രമത്തിലായിരുന്ന ബി.എം അനന്ത ബുധനാഴ്ച രാവിലെയാണ് വിട വാങ്ങിയത്. സ്പിന്നിംഗ് മില്‍ ജോയന്റ് ഡയറക്ടര്‍, മുന്‍ മന്ത്രി ഡോ. സുബ്ബറാവുവിന്റെ പേഴ്സണല്‍ അസിസ്റ്റന്റ് എന്നീ നിലകളില്‍ പ്രവര്‍ത്തിച്ചിരുന്നു. 25 വര്‍ഷക്കാലം മഞ്ചേശ്വരം സഹകരണ ബാങ്ക് പ്രസിഡണ്ട് എന്ന …

യുവാവിനെ തട്ടിക്കൊണ്ട് പോകാന്‍ ശ്രമം; സ്വര്‍ണ്ണം പൊട്ടിക്കല്‍ സംഘാംഗം അറസ്റ്റില്‍

by WEB EDITORCRIME, Latest, State Wednesday, 3 July 2024, 11:08Wednesday, 3 July 2024, 11:09No Comments

കണ്ണൂര്‍: മുംബൈ വിമാനത്തില്‍ എത്തിയ യാത്രക്കാരനെ കാറില്‍ തട്ടിക്കൊണ്ടു പോകാന്‍ ശ്രമിച്ച സംഭവത്തില്‍ ഒരാള്‍ അറസ്റ്റില്‍. സ്വര്‍ണ്ണം പൊട്ടിക്കല്‍ സംഘാഗമായ കോഴിക്കോട്, കുറ്റ്യാടി, കക്കൂടാരത്ത്, ഷിനോജി(34)നെയാണ് മട്ടന്നൂര്‍ എയര്‍പോര്‍ട്ട് പൊലീസ് ഇന്‍സ്പെക്ടര്‍ എന്‍.സി അഭിലാഷും സംഘവും അറസ്റ്റ് ചെയ്തത്. ജൂണ്‍ 23ന് ആണ് കേസിനാസ്പദമായ സംഭവം. മുംബൈ വിമാനത്തില്‍ എത്തിയ ഉള്ളേരി സ്വദേശി ആഷിഖിനെയാണ് ആളുമാറി തട്ടിക്കൊണ്ട് പോകാന്‍ ശ്രമിച്ചത്. യുവാവ് ബഹളം വെച്ചതോടെ ആള്‍ക്കാരും പൊലീസും ഓടിയെത്തുമ്പോഴേക്കും അക്രമി സംഘം കാറില്‍ രക്ഷപ്പെട്ടിരുന്നു. മുംബൈ വിമാനത്തിലെത്തുന്ന …

ഇനി ആശ്വസിക്കാം! അബ്ദുല്‍ റഹീമിന്റെ വധശിക്ഷ റദ്ദാക്കി, കൊല്ലപ്പെട്ട സൗദി യുവാവിന്റെ കുടുംബം മാപ്പു നല്‍കാമെന്ന് കോടതിയെ അറിയിച്ചു; നാട്ടിലേക്ക് ഉടന്‍ മടങ്ങാം

by WEB EDITORGulf, Latest Tuesday, 2 July 2024, 16:50Monday, 15 July 2024, 2:59No Comments

റിയാദ്: വധശിക്ഷയ്ക്ക് വിധിക്കപ്പെട്ട് റിയാദ് ജയിലില്‍ കഴിയുന്ന മലയാളി അബ്ദുല്‍ റഹീമിന്റെ വധശിക്ഷ റദ്ദാക്കി. മാപ്പു നല്‍കാമെന്ന് കൊല്ലപ്പെട്ട സൗദി യുവാവിന്റെ കുടുംബം കോടതിയെ അറിയിച്ചതോടെയാണ് നടപടി. ദയാധനം സ്വീകരിച്ച് മാപ്പു നല്‍കാമെന്ന് കുടുംബം ഔദ്യോഗികമായി അറിയിച്ചതോടെ റഹീമിന്റെ മോചനം ഉടന്‍ സാധ്യമാകും. ദയാധനമായി കൊല്ലപ്പെട്ട അനസ് അല്‍ ശഹ്‌റിയുടെ കുടുംബം ആവശ്യപ്പെട്ട പതിനഞ്ചു മില്യന്‍ റിയാല്‍ നേരത്തെ തന്നെ റിയാദ് ക്രിമിനില്‍ കോടതിക്ക് ചെക്ക് വഴി കൈമാറിയിരുന്നു.മാപ്പു നല്‍കിയുള്ള കുടുംബത്തിന്റെ സമ്മതപത്രം ഉടന്‍ റിയാദ് …

വാഹനാപകടത്തില്‍ പരിക്കേറ്റ് ചികില്‍സയിലായിരുന്ന യുവാവ് മരിച്ചു

by WEB EDITORLatest, National Tuesday, 2 July 2024, 15:51Tuesday, 2 July 2024, 15:52No Comments

കഴിഞ്ഞ ജൂണ്‍ 28നു സ്‌കൂട്ടറും ടിപ്പര്‍ ലോറിയും കൂട്ടിയിടിച്ചുണ്ടായ അപകടത്തില്‍ ഗുരുതരമായി പരിക്കേറ്റ യുവാവ് മരിച്ചു. മംഗളൂരു പാവൂര്‍ അക്ഷരനഗരത്തിലെ വിശ്വനാഥ ആചാരിയുടെ മകന്‍ ഗണേഷ് ആചാര്യ (27) ആണ് ചൊവ്വാഴ്ച പുലര്‍ച്ചേ മരിച്ചത്. പാവൂര്‍ ഹരേക്കളയില്‍ നിന്ന് കൊണാജെയിലേക്ക് സ്‌കൂട്ടറില്‍ പോവുകയായിരുന്ന ഗണേഷ്. ഹരേക്കള ഗ്രാമപഞ്ചായത്തിന് മുന്നില്‍ വെച്ച് ടിപ്പര്‍ ഡ്രൈവര്‍ പെട്ടെന്ന് ബ്രേക്കിട്ടതിനെത്തുടര്‍ന്ന് ലോറിക്ക് പിറകില്‍ സ്‌കൂട്ടര്‍ ഇടിച്ചാണ് അപകടം. ഗുരുതരമായി പരിക്കേറ്റ ഗണേഷിനെ നാട്ടുകാരും ടിപ്പര്‍ ഡ്രൈവറും ചേര്‍ന്ന് ദര്‍ളക്കട്ടയിലെ സ്വാകാര്യ ആശുപത്രിയില്‍ …

ബംഗാളും ത്രിപുരയും മറന്നു പോകരുത്; ആരും സ്വയം അധികാര കേന്ദ്രങ്ങളാകരുത്: എം.വി ഗോവിന്ദന്‍

by WEB EDITORLatest, State, Uncategorized Tuesday, 2 July 2024, 15:19Tuesday, 2 July 2024, 15:22No Comments

തിരുവനന്തപുരം: ബംഗാളും ത്രിപുരയും ആരും മറന്നു പോകരുതെന്ന് സിപിഎം സംസ്ഥാന സെക്രട്ടറി എം.വി ഗോവിന്ദന്‍. സിപിഎം മേഖലാ കമ്മിറ്റി യോഗത്തില്‍ സംസാരിക്കുകയായിരുന്നു അദ്ദേഹം. ലോക്‌സഭാ തെരഞ്ഞെടുപ്പില്‍ ഉണ്ടായ കനത്ത തോല്‍വിയെ തുടര്‍ന്ന് നടന്ന കേന്ദ്രകമ്മിറ്റി യോഗത്തില്‍ ഉണ്ടായ തെറ്റു തിരുത്തല്‍ തീരുമാനം സംബന്ധിച്ച് പാര്‍ട്ടി നിലപാട് വ്യക്തമാക്കുകയായിരുന്നു എം.വി ഗോവിന്ദന്‍.ജനങ്ങളില്‍ നിന്നു അകന്നതാണ് ലോക്്സഭാ തെരഞ്ഞെടുപ്പില്‍ കനത്ത തോല്‍വി ഉണ്ടാകാന്‍ കാരണം. തെറ്റു തിരുത്താന്‍ ഓരോ സഖാവും തയ്യാറാകണം-അദ്ദേഹം വ്യക്തമാക്കി.

ഭാര്യാവീട്ടില്‍ പോകുമ്പോള്‍ പത്രാസ് കാണിക്കാന്‍ 13 കാരനെ കുത്തിക്കൊന്ന നവവരന് ജീവപര്യന്തം തടവ് ശിക്ഷ

by WEB EDITORLatest, National Tuesday, 2 July 2024, 15:07Tuesday, 2 July 2024, 15:08No Comments

മഥുര: പതിമൂന്ന് വയസ്സുകാരനെ കൊലപ്പെടുത്തി സ്മാര്‍ട്ട് ഫോണ്‍ കൈക്കലാക്കിയെന്ന കേസിലെ പ്രതിക്ക് ജീവപര്യന്തം തടവും പിഴയും ശിക്ഷ. ആഗ്ര സ്വദേശി പങ്കജ് ബാഗേലിനെയാണ് മഥുര കോടതി ശിക്ഷിച്ചത്. 2017 ആഗസ്ത് അഞ്ചിനാണ് അതിദാരുണമായ കൊലപാതകം നടന്നത്. ഉത്തര്‍ പ്രദേശ്, കോസികാലനിലെ ജിന്‍ഡാല്‍ നഗര്‍ സ്വദേശി നിതേഷ് ആണ് കൊല്ലപ്പെട്ടത്. മകനെ കാണാനില്ലെന്ന് കാണിച്ച് പിതാവ് ഗജേന്ദ്രസിംഗ് പരാതി നല്‍കിയിരുന്നു. അന്വേഷണത്തിനിടയില്‍ എട്ടുദിവസം കഴിഞ്ഞ് അടിച്ചിട്ട ഒരു വെയര്‍ഹൗസില്‍ നിന്നാണ് നിതേഷിന്റെ മൃതദേഹം കണ്ടെത്തിയത്. ആരാണ് കൊലപാതകത്തിന് പിന്നിലെന്ന് …

സംഘടനാ വിരുദ്ധ പ്രവര്‍ത്തനം; സിപിഎം ഇരിയണ്ണി ലോക്കല്‍ കമ്മിറ്റിയംഗം പി വിനയകുമാറിനെ പാര്‍ട്ടിയില്‍ നിന്നും പുറത്താക്കി

by WEB EDITORKasaragod, Latest, Local News Tuesday, 2 July 2024, 14:34Tuesday, 2 July 2024, 14:38No Comments

കാസര്‍കോട്: ഇരിയണ്ണി ലോക്കല്‍ കമ്മിറ്റിയംഗമായ പി വിനയകുമാറിനെ സിപിഎമ്മില്‍ പുറത്താക്കിയതായിപാര്‍ടി ജില്ലാ കമ്മിറ്റി പത്ര കുറിപ്പില്‍ അറിയിച്ചു. കോണ്‍ഗ്രസിന്റെ മുഖപത്രത്തില്‍ ജനപ്രതിനിധിയായ ജില്ലാ കമ്മിറ്റിയംഗത്തിനെതിരെ തുടര്‍ച്ചയായി വന്ന വാര്‍ത്തകള്‍ക്ക് പിന്നില്‍ വിനയകുമാറാണെന്ന നിഗമനത്തെ തുടര്‍ന്നാണ് പുറത്താക്കിയതെന്നു പറയുന്നു. പി വിനയകുമാര്‍ മുമ്പും പാര്‍ട്ടിയുടെ അച്ചടക്ക നടപടി നേരിട്ടിരുന്നു. വിനയകുമാറിനെതിരെ പരാതി ഉയര്‍ന്നതിനെ തുടര്‍ന്ന് നിയോഗിച്ച അന്വേഷണ കമ്മീഷന്‍ റിപ്പോര്‍ട്ടും പുറത്താക്കല്‍ നടപടിക്ക് പിന്നിലുണ്ടെന്നു പറയുന്നു. ഏരിയാ കമ്മിറ്റി യോഗത്തില്‍ സി എച്ച് കുഞ്ഞമ്പു എംഎല്‍എ, ജില്ലാ സെക്രട്ടറി …

15 വര്‍ഷം മുമ്പ് കാണാതായ യുവതിയെ കൊന്ന് കുഴിച്ചുമൂടിയതായി സംശയം; 4 പേര്‍ കസ്റ്റഡിയില്‍

by WEB EDITORLatest, State Tuesday, 2 July 2024, 13:49Tuesday, 2 July 2024, 13:51No Comments

ആലപ്പുഴ: 15 വര്‍ഷം മുമ്പ് കാണാതായ യുവതിയെ കൊന്ന് കുഴിച്ചുമൂടിയതായി സംശയം. ഇതേ തുടര്‍ന്ന് മൃതദേഹം കുഴിച്ചിട്ടുവെന്നു സംശയിക്കുന്ന സ്ഥലം കുഴിച്ച് പരിശോധന നടത്താന്‍ പൊലീസ് ഒരുക്കം തുടങ്ങി. 15 വര്‍ഷം മുമ്പ് മാന്നാറില്‍ നിന്ന് കാണാതായ കല (20)യെന്ന പെണ്‍കുട്ടിയെ കൊലപ്പെടുത്തി കുഴിച്ചുമൂടിയെന്നാണ് സംശയിക്കുന്നത്. പെണ്‍കുട്ടിയെ കാണാതായതിന് പൊലീസ് കേസെടുത്ത് അന്വേഷണം നടത്തിയിരുന്നുവെങ്കിലും കണ്ടെത്താന്‍ കഴിഞ്ഞിരുന്നില്ല. തിരോധാന കേസ് പഴയപടി തുടരുന്നതിനിടയിലാണ് ചില രഹസ്യ വിവരങ്ങള്‍ പൊലീസിന് ലഭിച്ചത്. തുടര്‍ന്ന് നാലു പേരെ കസ്റ്റഡിയിലെടുത്ത് ചോദ്യം …

ഹോസ്ദുര്‍ഗിലെ പ്രമുഖ അഭിഭാഷകന്‍ എന്‍. വിജയകുമാര്‍ അന്തരിച്ചു

by WEB EDITORKasaragod, Latest, Local News Tuesday, 2 July 2024, 13:27Tuesday, 2 July 2024, 13:28No Comments

കാഞ്ഞങ്ങാട്: ഹൊസ്ദുര്‍ഗ് ബാറിലെ പ്രമുഖ അഭിഭാഷകന്‍ എന്‍. വിജയകുമാര്‍ (79) അന്തരിച്ചു. കാരാട്ടുവയല്‍ സ്വദേശിയാണ്. ഭാര്യ: ഇന്ദിര വി.വി. മക്കള്‍: നിശാന്ത്. പരേതയായ മഞ്ജുഷ. മരുമകള്‍: ശാരിക. സഹോദരങ്ങള്‍: എന്‍. ജയപ്രകാശ്(അമേരിക്ക), എന്‍.യതീന്ദ്രന്‍ (റിട്ട.മാനേജര്‍, കനറാ ബാങ്ക്), എന്‍ രാജേശ്വരി (റിട്ട. വിജയ ബാങ്ക്), എന്‍. അശോക് കുമാര്‍ (റിട്ട. ഇന്ത്യന്‍ ബാങ്ക്), ശോഭാ റാണി(മുംബൈ), പരേതരായ കാര്‍ത്ത്യായനി, മുന്‍ എംഎല്‍എ കെ. പുരുഷോത്തമന്‍, എന്‍. ഗംഗാധര ദാസ്.

കണ്ണൂരിലെ ജ്വല്ലറി കൊള്ള ശ്രമം പരാജയപ്പെട്ടു; കുപ്രസിദ്ധ ജ്വല്ലറി കൊള്ളക്കാരന്‍ ദേവേന്ദ്രകുമാര്‍ കാസര്‍കോട്ട്?

by WEB EDITORCRIME, Latest, State Tuesday, 2 July 2024, 13:12Tuesday, 2 July 2024, 13:16No Comments

കണ്ണൂര്‍: കുപ്രസിദ്ധ ജ്വല്ലറി കൊള്ളക്കാരന്‍ ഹരിയാന സ്വദേശി ദേവേന്ദ്രകുമാര്‍ വീണ്ടും കേരളത്തിലെത്തി. കഴിഞ്ഞ ദിവസം കണ്ണൂരിലെ ജ്വല്ലറിയില്‍ നടത്തിയ കൊള്ള ശ്രമം പരാജയപ്പെട്ടതോടെ ദേവേന്ദ്രകുമാര്‍ കാസര്‍കോട്ടേക്ക് കടന്നതായാണ് പൊലീസിന്റെ സംശയം. കണ്ണൂര്‍ ബെല്ലാഡ് റോഡിലെ ‘അര്‍പ്പത്’ ജ്വല്ലറിയിലാണ് കൊള്ള ശ്രമം നടന്നത്. ജ്വല്ലറിയുടെ പൂട്ട് തകര്‍ക്കാനുള്ള ശ്രമത്തിനിടയില്‍ സുരക്ഷാ അലാറം മുഴങ്ങി. ഇതോടെ ദേവേന്ദ്ര കുമാര്‍ കൊള്ള ശ്രമം ഉപേക്ഷിച്ച് രക്ഷപ്പെട്ടുകയായിരുന്നു.തിങ്കളാഴ്ച രാവിലെ ഉടമയായ റിജിന്‍ ജ്വല്ലറി തുറന്ന ശേഷം സിസിടിവിയില്‍ കാര്യങ്ങള്‍ പരിശോധിച്ചപ്പോഴാണ് തലേന്നാള്‍ നടന്ന …

പ്രിന്‍സിപ്പലിനെ മര്‍ദ്ദിച്ച സംഭവം; പൊലീസ് ആദ്യം കേസെടുത്തത് പ്രിന്‍സിപ്പലിനെതിരെ;പുറത്തുനിന്നെത്തിയ എസ്എഫ്‌ഐ പ്രവര്‍ത്തകരാണ് തന്നെ മര്‍ദ്ദിച്ചതെന്ന് ഗുരുദേവ കോളേജിലെ പ്രിന്‍സിപ്പല്‍

by WEB EDITORLatest, State Tuesday, 2 July 2024, 13:08Tuesday, 2 July 2024, 14:31No Comments

കൊയിലാണ്ടി: ഗുരുദേവ കോളേജില്‍ പ്രിന്‍സിപ്പലും എസ്.എഫ്.ഐ. പ്രവര്‍ത്തകരും തമ്മിലുണ്ടായ പ്രശ്‌നത്തില്‍ പൊലീസ് ആദ്യം കേസെടുത്തത് എസ്.എഫ്.ഐ നല്‍കിയ പരാതിയില്‍.പ്രിന്‍സിപ്പലിനെയും സ്റ്റാഫ് സെക്രട്ടറിയുമാണ് ഈ കേസില്‍ പ്രതി ചേര്‍ത്തിരിക്കുന്നത്. എന്നാല്‍ പ്രിന്‍സിപ്പല്‍ നല്‍കിയ പരാതിയില്‍ രണ്ടുമണിക്കൂറിന് ശേഷമാണ് കേസെടുത്തത്.തിങ്കളാഴ്ചയാണ് പ്രിന്‍സിപ്പല്‍ ഡോ.സുനില്‍കുമാര്‍, അധ്യാപകനായ രമേശന്‍ എന്നിവരെ എസ്.എഫ്.ഐ. പ്രവര്‍ത്തകര്‍ മര്‍ദിച്ചെന്ന പരാതി വന്നത്. അതേസമയം ഗുരുദേവ കോളേജില്‍ സംഘര്‍ഷം നടത്തിയത് എസ്എഫ്‌ഐ പ്രവര്‍ത്തകര്‍ എന്ന് പറഞ്ഞ് എത്തിയവരാണെന്ന് പ്രിന്‍സിപ്പല്‍ സുനില്‍ ഭാസ്‌കര്‍. കൈപിടിച്ച് തിരിക്കുകയും മുഖത്തടിക്കുകയും പുറത്ത് മര്‍ദ്ദിക്കുകയും …

വിവാഹം കഴിഞ്ഞ് എട്ടുവര്‍ഷം; ഭാര്യയ്ക്ക് സൗന്ദര്യം പോരെന്ന് ഭര്‍ത്താവ്; കൂടുതല്‍ സ്വര്‍ണ്ണം ആവശ്യപ്പെട്ട് യുവതിയെ അമ്മിക്കുട്ടികൊണ്ട് മര്‍ദ്ദിച്ചു, ഭര്‍ത്താവിനും ബന്ധുക്കള്‍ക്കും എതിരെ കേസ്

by WEB EDITORLatest, State Tuesday, 2 July 2024, 12:13Tuesday, 2 July 2024, 12:21No Comments

കണ്ണൂര്‍: സൗന്ദര്യമില്ലെന്നുപറഞ്ഞ് കൂടുതല്‍ സ്വര്‍ണ്ണം ആവശ്യപ്പെട്ട് യുവതിയെ അമ്മിക്കുട്ടികൊണ്ട് മര്‍ദ്ദിച്ചതിന് ഭര്‍ത്താവിനും ബന്ധുക്കള്‍ക്കും എതിരെ കേസ്. അരവഞ്ചാല്‍ ചള്ളച്ചാല്‍ റോഡ് ഓലിയന്‍ വീട്ടില്‍ രഹ്ന റഹ്‌മാന്റെ(28)പരാതിയിലാണ് ഭര്‍ത്താവ് പാടിയോട്ടുചാലിലെ അനസ്, ബന്ധുക്കളായ റുഖിയ, മൈമൂന എന്നിവരുടെ പേരില്‍ ചെറുപുഴ പൊലീസ് കേസെടുത്തത്. 2016 മെയ് 8 നാണ് ഇരുവരും വിവാഹിതരായത്. ഒന്നിച്ച് താമസിച്ചുവരവെ സൗന്ദര്യമില്ലെന്ന് ആക്ഷേപിച്ച് കൂടുതല്‍ സ്ത്രീധനം ആവശ്യപ്പെട്ട് പീഡിപ്പിച്ചുവെന്നാണ് പരാതി. ജൂണ്‍-29 ന് രാത്രി 9 ന് ഒന്നാം നിലയിലെ കിടപ്പുമുറിയില്‍ വെച്ച് മര്‍ദ്ദിച്ചപ്പോള്‍ …

ബോവിക്കാനം സ്‌കൂളിലെ തീവെപ്പ്; പൊലീസ് കേസെടുത്തു, അക്രമികളെ തെരയുന്നു

by WEB EDITORKasaragod, Latest, Local News Tuesday, 2 July 2024, 11:55Tuesday, 2 July 2024, 11:56No Comments

കാസര്‍കോട്: ബോവിക്കാനം എ.യു.പി സ്‌കൂളില്‍ സാമൂഹ്യദ്രോഹികള്‍ നടത്തിയ കൊള്ളിവെപ്പു സംഭവത്തില്‍ ആദൂര്‍ പൊലീസ് കേസെടുത്ത് അന്വേഷണം തുടങ്ങി. കഴിഞ്ഞ ദിവസം രാത്രി പ്രീപ്രൈമറി വിഭാഗത്തില്‍ ഉണ്ടായ അക്രമം തിങ്കളാഴ്ച രാവിലെയാണ് അധികൃതരുടെ ശ്രദ്ധയില്‍പെട്ടത്. കുട്ടികളുടെ കളിപ്പാട്ടങ്ങള്‍, 200 ല്‍പ്പരം പുസ്തകങ്ങള്‍, ക്രയോണ്‍ പെന്‍സിലുകള്‍ എന്നിവയാണ് കത്തി നശിച്ചത്. ഇതേ സ്‌കൂളില്‍ നേരത്തെയും സാമൂഹ്യ ദ്രോഹികളുടെ വിളയാട്ടം ഉണ്ടായിരുന്നു. വീണ്ടും അതിക്രമം ഉണ്ടായതോടെ അക്രമികള്‍ക്കെതിരെ കര്‍ശന നടപടിയെടുക്കണമെന്ന് ആവശ്യപ്പെട്ട് വിവിധ സംഘടനകള്‍ രംഗത്തുവന്നിട്ടുണ്ട്.

ചെറുവത്തൂരില്‍ കഞ്ചാവുമായി ഷാനവാസ് അറസ്റ്റില്‍

by WEB EDITORKasaragod, Latest, Local News Tuesday, 2 July 2024, 11:50Tuesday, 2 July 2024, 11:51No Comments

കാസര്‍കോട്: കഞ്ചാവുമായി യുവാവ് അറസ്റ്റില്‍. വലിയപറമ്പ, മാവിലാകടപ്പുറത്തെ നാലുകുടി പറമ്പില്‍ വിച്ചൂട്ടി വീട്ടില്‍ എന്‍.പി ഷാനവാസി(27)നെയാണ് നീലേശ്വരം എക്സൈസ് റേഞ്ച് ഇന്‍സ്പെക്ടര്‍ എം. ജിജില്‍ കുമാറും സംഘവും അറസ്റ്റ് ചെയ്തത്. ചെറുവത്തൂരില്‍ വെച്ചാണ് 25ഗ്രാം കഞ്ചാവുമായി യുവാവ് അറസ്റ്റിലായത്. എക്സൈസ് സംഘത്തില്‍ പ്രിവന്റീവ് ഓഫീസര്‍മാരായ കെ. ഗോപി, പ്രജിത്ത് കുമാര്‍, സി.ഇ.ഒമാരായ കെ. ദിനൂപ്, പി. ശൈലേഷ് കുമാര്‍, ഡ്രൈവര്‍ പി. രാജീവന്‍ എന്നിവരും ഉണ്ടായിരുന്നു.

സ്‌കൂള്‍ വിദ്യാര്‍ത്ഥിനികളെ പിന്തുടര്‍ന്ന് ഉപദ്രവിച്ചു; വനം വകുപ്പ് ഉദ്യോഗസ്ഥനെ തളച്ചു

by WEB EDITORLatest, State Tuesday, 2 July 2024, 11:32Tuesday, 2 July 2024, 11:41No Comments

മലപ്പുറം: സ്‌കൂള്‍ വിദ്യാര്‍ത്ഥികളായ മൂന്ന് പെണ്‍കുട്ടികളെ പിന്തുടര്‍ന്ന് ഉപദ്രവിച്ച വനം വകുപ്പ് ഉദ്യോഗസ്ഥനെ പോക്സോ പ്രകാരം അറസ്റ്റു ചെയ്തു. കവള, മുക്കട്ട, ബീറ്റ് ഫോറസ്റ്റ് ഓഫീസറായ ഷിഹാനെയാണ് പൂക്കോട്ടുംപാടം പൊലീസ് പിടികൂടിയത്.മൂന്നു പെണ്‍കുട്ടികളാണ് ഇയാള്‍ക്കെതിരെ പരാതി നല്‍കിയത്. തിങ്കളാഴ്ചയാണ് കേസിനാസ്പദമായ സംഭവം. പെണ്‍കുട്ടികള്‍ ബസില്‍ കയറുമ്പോഴും ഇറങ്ങിയപ്പോഴും പിന്തുടര്‍ന്ന് ഉപദ്രവിക്കുകയായിരുന്നുവെന്നാണ് പരാതി. പിടിയിലായ ഷിഹാനെതിരെ നേരത്തെയും പരാതി ഉണ്ടായിരുന്നു. എന്നാല്‍ രേഖാമൂലം പരാതി ലഭിക്കാത്തതിനാല്‍ കേസെടുത്തിരുന്നില്ല. ഇതിനിടയിലാണ് തിങ്കളാഴ്ച മൂന്നു പെണ്‍കുട്ടികളെ ഉപദ്രവിച്ചതായുള്ള പരാതി ഉണ്ടായത്.

ന്യൂലക്കി സെന്ററില്‍ വീണ്ടും ലക്ഷാധിപതി; വിന്‍ വിന്‍ ഒന്നാംസമ്മാനം കാസര്‍കോട്ട്

by WEB EDITORKasaragod, Latest, local Tuesday, 2 July 2024, 11:15Tuesday, 2 July 2024, 11:16No Comments

കാസര്‍കോട്: തിങ്കളാഴ്ച നറുക്കെടുപ്പ് നടന്ന കേരള സംസ്ഥാന ഭാഗ്യക്കുറി വിന്‍വിന്‍ ഒന്നാംസമ്മാനം കാസര്‍കോട് ന്യൂലക്കി സെന്റര്‍ വില്‍പന നടത്തിയ ഡബ്ല്യൂ.ഇ 554372 നമ്പര്‍ ടിക്കറ്റിന്. ന്യൂലക്കി സെന്ററിന്റെ സബ് ഏജന്റ് ജയരാജ് വിറ്റ ടിക്കറ്റിനാണ് 75 ലക്ഷം രൂപ ഒന്നാംസമ്മാനം ലഭിച്ചത്. കളനാട് സ്വദേശി രാജീവനാണ് സമ്മാനം ലഭിച്ചത്. ന്യൂലക്കി സെന്ററില്‍ വില്‍പന നടത്തിയ ഭാഗ്യക്കുറി ടിക്കറ്റുകളില്‍ നിരവധി കോടീശ്വരന്മാരെയും ലക്ഷാധിപതികളെയും സംഭാവന ചെയ്തിട്ടുണ്ടെന്ന് ന്യൂലക്കി സെന്റര്‍ ഉടമ ഗണേഷ് പറക്കട്ട പറഞ്ഞു.

തായിനേരി ഭഗവതി ക്ഷേത്ര ഭണ്ഡാരപുരയില്‍ കവര്‍ച്ച; തിരുവാഭരണം നഷ്ടപ്പെട്ടു

by WEB EDITORLatest, Local News Tuesday, 2 July 2024, 10:54Tuesday, 2 July 2024, 10:55No Comments

കണ്ണൂര്‍: പയ്യന്നൂര്‍, തായിനേരി, വെള്ളാരങ്ങര, ഭഗവതി ക്ഷേത്ര ഭണ്ഡാരപ്പുര കുത്തിത്തുറന്ന് കവര്‍ച്ച, ഇരുമ്പ് പെട്ടിയിലാക്കി സൂക്ഷിച്ചിരുന്ന രണ്ടരപ്പവന്‍ തൂക്കമുള്ള തിരുവാഭരണം നഷ്ടമായി. ജൂണ്‍ 29നും 30നും ഇടയിലാണ് കവര്‍ച്ച നടന്നതെന്നു സംശയിക്കുന്നു. ഭണ്ഡാരപ്പുരയുടെ വാതില്‍ തുറന്നു കിടക്കുന്നത് കണ്ടതിനെ തുടര്‍ന്ന് നടത്തിയ പരിശോധനയിലാണ് തിരുവാഭരണങ്ങള്‍ കവര്‍ച്ച പോയ കാര്യം വ്യക്തമായത്. ക്ഷേത്ര ഭാരവാഹികള്‍ നല്‍കിയ പരാതിയില്‍ പയ്യന്നൂര്‍ പൊലീസ് കേസെടുത്ത് അന്വേഷണം ആരംഭിച്ചു.