കാസര്കോട് നഗരസഭ പരിധിയിലെ കറന്തക്കാട് മുതല് റെയില്വേ സ്റ്റേഷന് റോഡിലെ ക്ലോക്ക് ടവര് വരെയുള്ള പൊതുമരാമത്ത് റോഡിന്റെ നിര്മ്മാണത്തില് തരികിട: ബി ജെ പി
കാസര്കോട്: കറന്തക്കാട് മുതല് റെയില്വേ സ്റ്റേഷന് റോഡിലെ ക്ലോക്ക് ടവര് ജംഗ്ഷന് വരെയുള്ള റോഡ് നിര്മ്മാണത്തില് അടിമുടി തരികിടയാണെന്നു ബിജെപി ടൗണ് കമ്മിറ്റി പരാതിപ്പെട്ടു. റോഡ് പുനര്നിര്മ്മാണം നടത്തി ഗതാഗത യോഗ്യമാക്കണമെന്നും അല്ലാത്ത പക്ഷം റോഡ് ഉപരോധവുമായി മുന്നോട്ട് പോകുമെന്നും അധികൃതരെ മുന്നറിയിച്ചു. ബിജെപി ടൗണ് കമ്മിറ്റി പ്രസിഡന്റും കൗണ്സിലറുമായ വരപ്രസാദ് കോട്ടക്കണി, ജനപ്രതിനിധികളായ ശ്രീലത, ഉമാ കടപ്പുറം, ബിജെപി ടൗണ് കമ്മിറ്റി ജ.സെക്രട്ടറി മണി നെല്ക്കള, ബിജെപി മണ്ഡലം കമ്മിറ്റി അംഗം കുസുമാകര എന്നിവര് പ്രസംഗിച്ചു.
