എടനീര്‍, വിഷ്ണുമംഗലം ക്ഷേത്രക്കവര്‍ച്ച: ഇബ്രാഹിം കലന്തറിന്റെ കൂട്ടാളിയും പിടിയില്‍, അറസ്റ്റിലായത് 17 കവര്‍ച്ചാ കേസുകളില്‍ പ്രതിയായ ഉള്ളാള്‍ സ്വദേശി, കാര്‍ കസ്റ്റഡിയില്‍
കാസര്‍കോട്: എടനീര്‍, വിഷ്ണുമംഗലം ക്ഷേത്രം കുത്തിത്തുറന്നു കവര്‍ച്ച നടത്തിയ കേസില്‍ ഒരാള്‍ കൂടി അറസ്റ്റില്‍. ഉള്ളാള്‍ ദര്‍ഗയ്ക്കു സമീപത്തെ മുഹമ്മദ് ഫൈസല്‍ എന്ന ഫൈസ(36)ലിനെയാണ് വിദ്യാനഗര്‍ എസ്.ഐ വി. രാമകൃഷ്ണന്റെ നേതൃത്വത്തില്‍ അറസ്റ്റു ചെയ്തത്. ഇയാള്‍ക്കെതിരെ മഞ്ചേശ്വരം, ബദിയഡുക്ക തുടങ്ങി വിവിധ സ്റ്റേഷനുകളിലായി 17ല്‍പ്പരം കവര്‍ച്ചാ കേസുകള്‍ ഉള്ളതായി പൊലീസ് പറഞ്ഞു.നവംബര്‍ മൂന്നിന് രാത്രിയിലാണ് എടനീര്‍ മഠത്തിനു കീഴിലുള്ള വിഷ്ണുമംഗലം ക്ഷേത്രത്തില്‍ കവര്‍ച്ച നടന്നത്. നീല നിറത്തിലുള്ള ആള്‍ട്ടോ കാറിലെത്തിയ സംഘം ക്ഷേത്രത്തിന്റെ വാതില്‍ കുത്തിത്തുറന്ന് അകത്ത് …
