ശക്തമായ പൊലീസ് കാവലില്‍ കുമ്പള ടോള്‍ ബൂത്ത് നിര്‍മ്മാണം തുടങ്ങി; 12 മണിക്ക് നാട്ടുകാരെ സ്ഥലത്തേക്കു വിളിച്ചുകൊണ്ടു സമരസമിതി വാട്‌സാപ്പ് സന്ദേശ പ്രവാഹം: ശക്തമായ പൊലീസ് രംഗത്ത്
കാസര്‍കോട്: കുമ്പള ആരിക്കാടിയിലെ ദേശീയപാതയില്‍ ടോള്‍ ബൂത്ത് നിര്‍മ്മാണം ശക്തമായ പൊലീസ് കാവലില്‍ രാവിലെ ആരംഭിച്ചു. അതേസമയം മുഴുവനാളുകളും 12 മണിക്ക് ടോള്‍ബൂത്ത് നിര്‍മ്മാണ സ്ഥലത്തിനടുത്തെത്തണമെന്ന് അക്ഷന്‍ കമ്മിറ്റി വാട്‌സ് ആപ്പ് ഗ്രൂപ്പുകളില്‍ സന്ദേശം വ്യാപകമായി പ്രചരിക്കുന്നു. ഈ സന്ദേശത്തിന്റെ പശ്ചാത്തലത്തില്‍ കുമ്പള ഇന്‍സ്‌പെക്ടര്‍ പി കെ ജിജേഷിന്റെ നേതൃത്വത്തില്‍ ശക്തമായ പൊലീസ് സംഘം സ്ഥലത്തു നിലയുറപ്പിച്ചിട്ടുണ്ട്. ഇവര്‍ക്കു പുറമെ ഒരു ബറ്റാലിയന്‍ സ്‌പെഷ്യല്‍ പൊലീസും സ്ഥലത്തേക്കു തിരിച്ചിട്ടുണ്ടെന്നു സൂചനയുണ്ട്. കുമ്പള സ്റ്റേഷനിലും പൊലീസുകാരെ സജ്ജരാക്കി നിറുത്തിയിട്ടുണ്ട്. …
