സമ്മർദത്തിനു വഴങ്ങില്ല; ആശ സമരത്തിനു പിന്തുണയുമായി മല്ലികാ സാരാഭായ്, കാസർകോട് നിന്ന് തിരുവനന്തപുരം വരെ രാപകൽ സമരയാത്രയുമായി ആശമാർ
തൃശൂർ: ആശ പ്രവർത്തകരുടെ സമരത്തെ പിന്തുണയ്ക്കുന്നതിനെതിരായ സർക്കാർ സമ്മർദത്തിനു വഴങ്ങാതെ കലാമണ്ഡലം കൽപിത സർവകലാശാലയുടെ ചാൻസലറായ നർത്തകി മല്ലികാസാരാഭായ്. സമരത്തിന്റെ ഭാഗമായി തൃശൂരിൽ സംഘടിപ്പിച്ച പ്രതിഷേധം മല്ലികാ സാരാഭായ് ഓൺലൈനായി ഉദ്ഘാടനം ചെയ്തു. ആശമാരിൽ ഒരാളുടെ അക്കൗണ്ടിലേക്ക് 1000 രൂപ അയച്ചു കൊടുത്തായിരുന്നു ഉദ്ഘാടനം. നേരത്തേ പരിപാടിയിൽ പങ്കെടുക്കുന്നതിൽ നിന്നു ഇവരെ പിന്തിരിപ്പിക്കാൻ സർക്കാർ ശ്രമിച്ചിരുന്നു. പിന്നാലെ അതൃപ്തി പരസ്യമാക്കി മല്ലികാ സാരാഭായ് സമൂഹമാധ്യമത്തിൽ പോസ്റ്റുമിട്ടു.ചാൻസലറായതിനാൽ പരിപാടിയിൽ പങ്കെടുക്കുന്നതിനും സ്വന്തം അഭിപ്രായം പറയുന്നതിലും വിലക്കേർപ്പെടുത്താൻ ശ്രമം നടക്കുന്നതായായിരുന്നു …
