കൊടവലത്ത് യുവതി വീട്ടില്‍ തൂങ്ങിമരിച്ച നിലയില്‍
കാസര്‍കോട്: യുവതിയെ വീട്ടിനകത്ത് തൂങ്ങി മരിച്ച നിലയില്‍ കണ്ടെത്തി. കൊടവലം പട്യമ്മേരടുക്കം സ്വദേശിനി ശ്രീജ(42) ആണ് മരിച്ചത്. ബുധനാഴ്ച വൈകീട്ട് അഞ്ചുമണിയോടെ കിടപ്പുമുറിയിലെ ഫാനില്‍ തൂങ്ങിയ നിലയില്‍ കണ്ടെത്തുകയായിരുന്നു. ഉടന്‍ തന്നെ കാഞ്ഞങ്ങാട് ജില്ലാശുപത്രിയിലെത്തിച്ചെങ്കിലും മരിച്ചതായി സ്ഥിരീകരിച്ചു. അമ്പലത്തറ പൊലീസ് ഇന്‍ക്വസ്റ്റ് നടത്തി. കൊടവലത്തെ ഡ്രൈവര്‍ രാജനാണ് ഭര്‍ത്താവ്. മക്കള്‍: രാജശ്രീ, അനുശ്രീ, കാര്‍ത്തിക്, വിഷ്ണു. സഹോദരങ്ങള്‍: തമ്പാന്‍, രാജു, ബാലാമണി, ബേബി, പരേതനായ മോഹനന്‍.
