ഭാരത് ബെന്‍സ് ട്രക്കില്‍ മദ്യക്കടത്ത്; 28 ലിറ്റര്‍ പുതുച്ചേരി നിര്‍മിത വിദേശ മദ്യവുമായി മാവുങ്കാലില്‍ രണ്ടു യുവാക്കള്‍ പിടിയില്‍

കാസര്‍കോട്: ഭാരത് ബെന്‍സ് ഗുഡ്സ് കാരിയര്‍ ട്രക്കില്‍ കടത്താന്‍ ശ്രമിച്ച 28 ലിറ്റര്‍ പുതുച്ചേരി നിര്‍മിത വിദേശ മദ്യവുമായി രണ്ടുയുവാക്കള്‍ പിടിയില്‍. കൊല്ലം കുറുമണ്ഡല്‍ സ്വദേശി എല്‍ ലിജിന്‍(30), കൊല്ലം കണ്ണനെല്ലൂര്‍ മുട്ടയ്കാവ് സ്വദേശി ചരുവിള പുത്തന്‍ വീട്ടില്‍ ഡി അഖില്‍(30) എന്നിവരാണ് പിടിയിലായത്. തിങ്കളാഴ്ച രാത്രി 9 മണിയോടെ മാവുങ്കാലില്‍ നടന്ന വാഹന പരിശോധനയിലാണ് മദ്യക്കടത്ത് പിടികൂടിയത്. ഹോസ്ദുര്‍ഗ് എക്‌സൈസ് റെയ്ഞ്ച് ഓഫീസിലെ എക്‌സൈസ് ഇന്‍സ്പെക്ടര്‍ ഇവി ജിഷ്ണുകുമാറും സംഘവും നടത്തിയ റെയ്ഡിലാണ് മദ്യക്കടത്ത് പിടികൂടിയത്. …

വിരമിച്ചിട്ടും പണത്തോടുള്ള ആര്‍ത്തി തീര്‍ന്നില്ല; 10,000 രൂപ കൈക്കൂലി വാങ്ങാന്‍ ശ്രമം; മൂന്നുദിവസം മുമ്പ് വിരമിച്ച വില്ലേജ് അസിസ്റ്റന്റും സുഹൃത്തും വിജിലന്‍സിന്റെ പിടിയിലായി

കൊച്ചി: വിരമിച്ച കാര്യം മറച്ചുവച്ച് കൈക്കൂലി വാങ്ങാന്‍ ശ്രമിച്ച മുന്‍ വില്ലേജ് അസിസ്റ്റന്റിനെയും നിലവിലെ വില്ലേജ് ഫീല്‍ഡ് അസിസ്റ്റന്റിനെയും വിജിലന്‍സ് അറസ്റ്റ് ചെയ്തു. ആലുവ താലൂക്കിലെ ചൊവ്വര വില്ലേജ് ഓഫീസില്‍ നിന്ന് മേയ് 30ന് വിരമിച്ച വില്ലേജ് അസിസ്റ്റന്റ് തമ്പി, ഫീല്‍ഡ് അസിസ്റ്റന്റ് നവാസ് എന്നിവരാണ് പിടിയിലായത്. സര്‍വീസില്‍ നിന്ന് വിരമിച്ച കാര്യം വെളിപ്പെടുത്താതെയാണ് പട്ടയം ശരിയാക്കി നല്‍കുന്നതിന് കാക്കനാട് സ്വദേശിയോടെ 10,000 രൂപ ആവശ്യപ്പെട്ടത്. വിജിലന്‍സ് നല്‍കിയ 10,000 രൂപ തിങ്കളാഴ്ച വൈകിട്ട് ചൊവ്വര വില്ലേജ് …

കണ്ണൂര്‍ -പയ്യന്നൂര്‍ റൂട്ടില്‍ സ്വകാര്യ ബസ് തൊഴിലാളികളുടെ മിന്നല്‍ പണിമുടക്ക്; യാത്രക്കാര്‍ വലഞ്ഞു

പയ്യന്നൂര്‍: കണ്ണൂര്‍ -പയ്യന്നൂര്‍ റൂട്ടില്‍ ബസ് ജീവനക്കാരുടെ മിന്നല്‍ പണിമുടക്ക്. ദേശീയ പാത കുപ്പം റോഡ് തുറക്കാത്തതിനാലാണ് പ്രതിഷേധം. കനത്ത മഴയായതിനാല്‍ ഏറെ ദിവസങ്ങളായി കുപ്പം ദേശീയ പാത അടച്ചിട്ടിരുന്നു. പയ്യന്നൂരിലേക്കുള്ള മെയിന്‍ റോഡ് ആയ കുപ്പം അടച്ചിടുക വഴി ഹെവി വാഹനങ്ങള്‍ക്കും യാത്രക്കാര്‍ക്കും ബുദ്ധിമുട്ടുണ്ടായിരുന്നു. ഇതോടെ തളിപ്പറമ്പില്‍ നിന്നും പയ്യന്നൂര്‍ ഭാഗത്തേക്ക് പോകുന്ന വാഹനങ്ങള്‍ കുപ്പം പഴയങ്ങാടി റോഡ് വഴിയും, പയ്യനൂരില്‍ നിന്നും തളിപ്പറമ്പ് ഭാഗത്തേക്ക് പോകുന്ന വാഹനങ്ങള്‍ ചുടലമുക്കുന്ന് റോഡ് വഴിയുമാണ് കടന്ന് പോയത്. …

മഴയുടെ ശക്തികുറയുന്നു; കാസര്‍കോട്ട് ഇന്നും നാളെയും യെല്ലോ അലര്‍ട്ട്

തിരുവനന്തപുരം: അതിശക്തമായ മഴയ്ക്ക് ശമനം വരുന്നു. അഞ്ചു ജില്ലകളില്‍ ഇന്ന് യെല്ലോ അലര്‍ട്ട് പ്രഖ്യാപിച്ചു. കാസര്‍കോട്, കണ്ണൂര്‍, വയനാട്, കോഴിക്കോട്, മലപ്പുറം ജില്ലകളിലാണ് കേന്ദ്ര കാലാവസ്ഥാ വകുപ്പ് ജാഗ്രതാ നിര്‍ദേശം നല്‍കിയിരിക്കുന്നത്. നാളെ കാസര്‍കോട്, കണ്ണൂര്‍, വയനാട്, കോഴിക്കോട്, ആലപ്പുഴ, എറണാകുളം, തൃശൂര്‍, മലപ്പുറം ജില്ലകളിലും യെല്ലോ അലര്‍ട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. മല്‍സ്യത്തൊഴിലാളികള്‍ കടലില്‍ പോകരുത്. മണിക്കൂറില്‍ 55 കിലോമീറ്റര്‍ മുതല്‍ 65 കിലോമീറ്റര്‍വരെ വേഗമുള്ള ശക്തമായ കാറ്റിനും സാധ്യതയുണ്ട്.

പി വി അന്‍വര്‍ തൃണമൂല്‍ കോണ്‍ഗ്രസ് സ്ഥാനാര്‍ത്ഥിയായി സമര്‍പ്പിച്ച നാമനിര്‍ദേശ പത്രിക തള്ളി; സ്വതന്ത്ര സ്ഥാനാര്‍ത്ഥിയായി മത്സരിക്കാം

മലപ്പുറം: നിലമ്പൂര്‍ ഉപതെരഞ്ഞെടുപ്പില്‍ അന്‍വര്‍ സമര്‍പ്പിച്ച പത്രിക തള്ളി. അന്‍വറിന് സ്വതന്ത്ര സ്ഥാനാര്‍ത്ഥിയായി മത്സരിക്കാം. സ്വതന്ത്ര സ്ഥാനാര്‍ത്ഥിയായി മത്സരിക്കാനുള്ള പത്രികയും അന്‍വര്‍ സമര്‍പ്പിച്ചിരുന്നു. ടി എം സി സ്ഥാനാര്‍ത്ഥിയായി പി വി അന്‍വര്‍ സമര്‍പ്പിച്ച പത്രികയില്‍ പ്രശ്‌നമുണ്ടെന്ന് വരണാധികാരി അറിയിച്ചു. സൂക്ഷ്മ പരിശോധനയിലാണ് പത്രിക തള്ളിയത്. രണ്ട് സെറ്റ് പത്രികകളാണ് അന്‍വര്‍ സമര്‍പ്പിച്ചിരുന്നത്. ഇതില്‍ തൃണമൂല്‍ സ്ഥാനാര്‍ത്ഥിയായി മത്സരിക്കുന്നതിനായി സമര്‍പ്പിച്ച പത്രികയാണ് തള്ളിയത്. സാങ്കേതിക പ്രശ്‌നത്തെ തുടര്‍ന്നാണ് പത്രികെ തള്ളിയതെന്നാണ് വിവരം. ടി എംസി ദേശീയ പാര്‍ട്ടി …

സ്‌കൂള്‍ ബസ് വയലിലേക്ക് മറിഞ്ഞു; 19 കുട്ടിള്‍ക്ക് പരിക്ക്, അന്വേഷണത്തിന് മന്ത്രിയുടെ ഉത്തരവ്

തിരുവനന്തപുരം: നഗരൂരില്‍ വിദ്യാര്‍ഥികളുമായി സഞ്ചരിച്ച സ്‌കൂള്‍ ബസ് വയലിലേക്ക് മറിഞ്ഞു. 19 വിദ്യാര്‍ഥികള്‍ക്ക് പരിക്കേറ്റു. വെള്ളല്ലൂര്‍ ഗവ. എല്‍പി സ്‌കൂളിന്റെ ബസാണ് അപകടത്തില്‍പെട്ടത്. രാവിലെ ഒന്‍പതരയോടെയാണ് സംഭവം. ഓടിക്കൂടിയ നാട്ടുകാര്‍ ചേര്‍ന്ന് വിദ്യാര്‍ഥികളെ പുറത്തെടുത്തു. ഒരു കുട്ടിയുടെ കൈയ്ക്ക് പരിക്കേറ്റു. വിദ്യാര്‍ഥികളെ സമീപത്തുള്ള ആശുപത്രിയിലേക്ക് മാറ്റി. ആരുടെയും പരിക്ക് സാരമല്ലെന്നാണ് വിവരം. 25 വിദ്യാര്‍ഥികളാണ് ബസില്‍ ഉണ്ടായിരുന്നത്. ഒരു വിദ്യാര്‍ഥിയുടെ കൈ ബസിനടിയില്‍പെട്ടതോടെ നാട്ടുകാര്‍ ചേര്‍ന്ന് ബസ് ഉയര്‍ത്തി കുട്ടിയെ രക്ഷപ്പെടുത്തി.രണ്ട് സ്‌കൂളുകളിലെ വിദ്യാര്‍ഥികളുമായി ബസ് വരുമ്പോഴാണ് …

സംസ്ഥാനത്ത് കോവിഡ് വ്യാപനം രൂക്ഷമാകുന്നു: നിര്‍ദേശങ്ങള്‍ പുറത്തിറക്കി ആരോഗ്യവകുപ്പ്; മാസ്‌ക് ഉപയോഗം പ്രോല്‍സാഹിപ്പിക്കണം, ലക്ഷണങ്ങളുള്ള എല്ലാവര്‍ക്കും പരിശോധന

തിരുവനന്തപുരം: രാജ്യത്തും സംസ്ഥാനത്തും കൊവിഡ് കേസുകള്‍ ഉയരുന്ന പശ്ചാത്തലത്തില്‍ മാര്‍ഗനിര്‍ദേശങ്ങളുമായി സംസ്ഥാന ആരോഗ്യവകുപ്പ്. രോഗലക്ഷണമുള്ള എല്ലാവര്‍ക്കും കോവിഡ് പരിശോധന നടത്തണം തുടങ്ങിയ മാര്‍ഗനിര്‍ദേശങ്ങളാണ് ആരോഗ്യവകുപ്പ് പുറത്തിറക്കിയിരിക്കുന്നത്. പൊതുസ്ഥലങ്ങളില്‍ മാസ്‌ക് ഉപയോഗം പ്രോത്സാഹിപ്പിക്കാനും നിര്‍ദേശിച്ചിട്ടുണ്ട്. തിങ്കളാഴ്ച ആരോഗ്യമന്ത്രി വീണ ജോര്‍ജിന്റെ അധ്യക്ഷതയില്‍ ചേര്‍ന്ന യോഗത്തിന് പിന്നാലെയാണ് മാര്‍ഗനിര്‍ദേശങ്ങള്‍ പുറത്തിറക്കിയിരിക്കുന്നത്. രോഗലക്ഷണങ്ങള്‍ ഉള്ളവരെ പ്രത്യേകം ശ്രദ്ധിക്കണമെന്ന് ആരോഗ്യവകുപ്പിന്റെ നിര്‍ദേശമുണ്ട്. ശ്വാസതടസം, കടുത്ത നെഞ്ചുവേദന, രക്തസമ്മര്‍ദ്ദം കുറയല്‍, തലചുറ്റല്‍ മുതലായ ലക്ഷണങ്ങള്‍ പ്രത്യേകം ശ്രദ്ധിക്കണം. രോഗം ഗുരുതരമാകാന്‍ സാധ്യതയുള്ള ഹൈ റിസ്‌ക് …

അമ്പലത്തില്‍ പോകുന്നുവെന്ന് പറഞ്ഞ് മകനെയും കൂട്ടി വീട്ടില്‍നിന്നും ഇറങ്ങി; തിരിച്ചെത്താത്തതിനെ തുടര്‍ന്ന് വീട്ടുകാര്‍ നടത്തിയ അന്വേഷണത്തില്‍ കണ്ടത് ചിന്നിച്ചിതറിയ മൃതദേഹങ്ങള്‍, മാതാവും നാലുവയസുകാരനായ മകനും ട്രെയിന്‍ തട്ടിമരിച്ച നിലയില്‍

തിരുപ്പൂര്‍: തിരുപ്പൂര്‍ റെയില്‍വേ സ്‌റ്റേഷന് സമീപം മാതാവിനെയും നാലുവയസായ മകനെയും പാളത്തില്‍ ട്രെയിന്‍ തട്ടി മരിച്ചനിലയില്‍ കണ്ടെത്തി. തിങ്കളാഴ്ച രാവിലെയാണ് സംഭവം. തിരുവാരൂര്‍ ജില്ലയിലെ തിരുതുറൈപൂണ്ടി സ്വദേശിനി എ. വിജയലക്ഷ്മി(26) മകന്‍ യാദേശ്വരന്‍ (4) എന്നിവരാണ് മരിച്ചത്. മൃതദേഹങ്ങള്‍ തിരിച്ചറിയത്ത വണ്ണം ചിന്നിച്ചിതറിയ നിലയിലായിരുന്നു. യുവതിയുടെ ഹാന്‍ഡ്ബാഗിലുണ്ടായിരുന്ന തിരുച്ചിറപ്പള്ളിയില്‍നിന്ന് കോയമ്പത്തൂരിലേക്കുള്ള ട്രെയിന്‍ ടിക്കറ്റിലും മറ്റുചില കുറിപ്പുകളിലും കണ്ട സൂചന നോക്കിയാണ് മരിച്ചവരെ പൊലീസ് തിരിച്ചറിഞ്ഞത്. ഞായറാഴ്ച രാവിലെ അമ്പലത്തില്‍ പോകുന്നെന്നുവെന്ന് പറഞ്ഞാണ് വീട്ടില്‍നിന്നും മകനെയുംകൂട്ടി വിജയലക്ഷ്മി പോയതെന്ന് …

പ്രണയാഭ്യർഥന നിരസിച്ച മലയാളി വിദ്യാർഥിനിയെ യുവാവ് വീടിനുള്ളിൽ കയറി കുത്തിക്കൊലപ്പെടുത്തി

കോയമ്പത്തൂർ: പ്രണയാഭ്യർഥന നിരസിച്ച മലയാളി വിദ്യാർഥിനിയെ വീടിനുള്ളിൽ കയറി യുവാവ് കുത്തിക്കൊലപ്പെടുത്തി. കൊലയ്ക്ക് ശേഷം പൊലീസിൽ കീഴടങ്ങിയ യുവാവിനെ അറസ്റ്റ് ചെയ്തു. പൊള്ളാച്ചി വടുകപാളയത്ത് ആണ് ദാരുണ സംഭവം. പൊൻമുത്തു നഗറിലെ മലയാളി കുടുംബത്തിലെ കണ്ണന്റെ മകൾ അഷ്‌വിക (19) ആണ് കൊല്ലപ്പെട്ടത്. ഉദുമൽപേട്ട റോഡ് അണ്ണാ നഗർ സ്വദേശിയും സ്വകാര്യ പണമിടപാട് സ്ഥാപനത്തിലെ ജീവനക്കാരനുമായ പ്രവീൺ കുമാറാണ് അറസ്റ്റിലായത്. കോയമ്പത്തൂരിലെ സ്വകാര്യ കോളേജിലെ രണ്ടാംവർഷ ബിഎസ്‌സി കമ്പ്യൂട്ടർ സയൻസ് വിദ്യാർത്ഥിനിയാണ് അഷ്‌വിക. രക്ഷിതാക്കൾ‌ ജോലിക്കുപോയ സമയത്ത് …

ആരു ജയിച്ചാലും പുതിയ ചാംപ്യൻ: ഐപിഎല്ലിൽ ഇന്നു ബെംഗളൂരു-പഞ്ചാബ് ഫൈനൽ

അഹമ്മദാബാദ്: ഐപിഎല്ലിൽ ഇന്നു ആവേശകരമായ കലാശ പോരാട്ടം. റോയൽ ചലഞ്ചേഴ്സ് ബെംഗളൂരുവും പഞ്ചാബ് കിങ്സുമാണ് അഹമ്മദാബാദിലെ നരേന്ദ്രമോദി സ്റ്റേഡിയത്തിൽ രാത്രി 7.30ന് നടക്കുന്ന ഫൈനലിൽ ഏറ്റുമുട്ടുക. ഏതു ടീം ജയിച്ചാലും പുതിയ ചാംപ്യൻ പിറക്കുമെന്നതാണ് ഇത്തവണത്തെ പ്രത്യേകത. ബെംഗളൂരു നാലാമതും പഞ്ചാബ് രണ്ടാമതുമാണ് ഫൈനൽ കളിക്കുന്നത്. ടൂർണമെന്റിൽ ഇതുവരെയും കിരീടം ചൂടാൻ ഇരുടീമുകൾക്കും കഴിഞ്ഞിരുന്നില്ല.ആരാധകരുടെ 18 വർഷം നീണ്ട കാത്തിരിപ്പ് അവസാനിപ്പിച്ച് കിരീടം ചൂടാമെന്ന പ്രതീക്ഷയിലാണ് ബെംഗളൂരു. സീസണിൽ 614 റൺസ് അടിച്ചുകൂട്ടിയ വിരാട് കോലിയുടെ തകർപ്പൻ …

മദ്യപിച്ചു ബഹളമുണ്ടാക്കി; കാപ്പ കേസ് പ്രതിയായ മകനെ അച്ഛൻ വെട്ടിക്കൊലപ്പെടുത്തി

പാലക്കാട്: കൊടുന്തരപ്പുള്ളിയിൽ മദ്യപിച്ചു ബഹളമുണ്ടാക്കിയ മകനെ അച്ഛൻ വെട്ടിക്കൊലപ്പെടുത്തി. കൊടുന്തരപ്പുള്ളി സ്വദേശി സിജിലിനെ അച്ഛൻ ശിവനാണ് കൊലപ്പെടുത്തിയത്. ശിവൻ ഒളിവിലാണ്.കൊടുന്തരപ്പള്ളിയിലെ വീട്ടിൽ തിങ്കളാഴ്ച വൈകിട്ട് 4നാണ് സംഭവം. മദ്യപിച്ചു വീട്ടിലെത്തിയ സിജിൽ ബഹളമുണ്ടാക്കി. രാത്രി 8.30ഓടെ ശിവനുമായി വീണ്ടും വാക്കുതർക്കമുണ്ടായി. ഇതിനിടെ കത്തി കൊണ്ട് ശിവൻ സിജിലിനെ അക്രമിക്കുകയായിരുന്നു. വെട്ടേറ്റ സിജിലിനെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കാപ്പ കേസിൽ ഉൾപ്പെടെ പ്രതിയാണ് കൊല്ലപ്പെട്ട സിജിൽ. ശിവനായി തിരച്ചിൽ തുടരുന്നതായി പൊലീസ് അറിയിച്ചു.

വിൽപനയ്ക്കായി ലഹരിക്കടത്ത്: എംഡിഎംഎയുമായി ഭാര്യയും ഭർത്താവും പിടിയിൽ

ആലപ്പുഴ: ആലപ്പുഴയിൽ എംഡിഎംഎയുമായി ദമ്പതികൾ അറസ്റ്റിൽ. ഒട്ടേറെ ക്രിമിനൽ കേസുകളിലെ പ്രതിയായ കെ. സിയാ (40) ഭാര്യ സഞ്ചുമോൾ (39) എന്നിവരെയാണ് പൊലീസ് അറസ്റ്റ് ചെയ്തത്. ഇവരിൽ നിന്നു 13 ഗ്രാം എംഡിഎംഎ പിടിച്ചെടുത്തു. ഓപ്പറേഷൻ ഡിഹണ്ടിന്റെ ഭാഗമായി റെയിൽവേ സ്റ്റേഷൻ, കെഎസ്ആർടിസി ബസ് സ്റ്റാൻറ് എന്നിവിടങ്ങളിൽ നടത്തിയ പരിശോധനയിലാണ് ഇരുവരും പിടിയിലായത്.വിൽപനയ്ക്കായി ഇവർ ലഹരി കടത്തുന്നതായി പൊലീസിനു വിവരം ലഭിക്കുകയായിരുന്നു. സിയാ മാസങ്ങളായി ഇതര സംസ്ഥാനങ്ങളിൽ നിന്നു ലഹരി നാട്ടിലെത്തിച്ച് വിൽപന നടത്തി വരികയായിരുന്നുവെന്ന് പൊലീസ് …

ഭർത്താവ് മരിച്ചാൽ ഭർതൃവീട്ടിൽ ഭാര്യയ്ക്ക് നിയമപരമായി കഴിയാം, ഇറക്കിവിടാനോ ദ്രോഹിക്കാനോ പാടില്ല: ഹൈക്കോടതി

കൊച്ചി: ഭർത്താവ് മരിച്ച ശേഷവും കുട്ടികളുമായി അതേ വീട്ടിൽ കഴിയുന്നതിന് ഭാര്യയ്ക്കു നിയമപരമായ അവകാശമുണ്ടെന്ന് ഹൈക്കോടതി. ഗാർ‍ഹിക പീഡന നിരോധന നിയമം അനുസരിച്ച് സ്ത്രീ സമാധാനത്തോടെ ആ വീട്ടിൽ കഴിയുന്നത് തടയാനോ ഇറക്കി വിടാനോ അവകാശമില്ലെന്ന് ജസ്റ്റിസ് എം.ബി.സ്നേഹലത വ്യക്തമാക്കി. ഭർത്താവിന്റെ സഹോദരങ്ങളും ഭാര്യമാരും ഭർതൃമാതാവും ദ്രോഹിക്കുന്നെന്നും വീട്ടിൽനിന്ന് ഇറക്കി വിട്ടെന്നും കാണിച്ച് പാലക്കാട് സ്വദേശിയായ യുവതി നൽകിയ ഹർജിയിലാണ് നടപടി. 2009ൽ ആണ് യുവതിയുടെ ഭർത്താവ് മരിച്ചത്. മരണശേഷം കുട്ടികളുമൊത്ത് ഈ വീട്ടിൽത്തന്നെയാണ് യുവതി കഴിഞ്ഞിരുന്നത്. …

ദൃശ്യം മോഡൽ കൊലപാതകം; മൃതദേഹം കിട്ടിയില്ലെങ്കിൽ പിടിയിലാകില്ലെന്ന് കരുതി, ആഭരണങ്ങൾക്കായി വൃദ്ധയെ കൊലപ്പെടുത്തിയ യുവാവ് അറസ്റ്റിൽ

ജയ്പുർ: രാജസ്ഥാനിൽ ദൃശ്യം സിനിമയിൽ നിന്നു പ്രചോദനം ഉൾക്കൊണ്ട് കൊലപാതകം നടത്തിയ യുവാവ് അറസ്റ്റിൽ. വയോധികയെ കൊലപ്പെടുത്തി ആഭരണങ്ങൾ കവർന്ന ശേഷം മൃതദേഹം കത്തിച്ച് തടാകത്തിൽ തള്ളുകയായിരുന്നു.അഞ്ചാം ക്ലാസ് വിദ്യാഭ്യാസം മാത്രമുള്ള രമേഷ് ലോഹറാണ് ചാന്ദി ഭായിയെ(70) കൊലപ്പെടുത്തിയത്. ആഘോഷപരിപാടികളിൽ ഡ്രംസ് വായിക്കുന്ന കലാകാരിയാണ് ചാന്ദി ഭായി. ഒരു പരിപാടിക്കിടെയാണ് ഇവരെ രമേഷ് കാണുന്നത്. ഇവർ അണിഞ്ഞിരുന്ന വിലപിടിപ്പുള്ള സ്വർണ, വെള്ളി ആഭരണങ്ങൾ ശ്രദ്ധയിൽപെട്ട ഇയാൾ കൊലപ്പെടുത്തി ഇവ കൈക്കലാക്കാൻ തീരുമാനിക്കുകയായിരുന്നു. ഇതിനായി ഫെബ്രുവരി 22ന് ഒരു …

നടുറോഡിൽ പങ്കാളിയെ 45കാരൻ കുത്തിക്കൊന്നു; സംശയം കൊലപാതകത്തിലേക്കു നയിച്ചതെന്ന് പ്രാഥമിക വിവരം

കൊച്ചി: എറണാകുളം മുനമ്പത്ത് 45 വയസ്സുകാരൻ പങ്കാളിയെ നടുറോഡിൽ കുത്തിക്കൊലപ്പെടുത്തി. പള്ളിപ്പുറം സ്വദേശി തൈപ്പറമ്പിൽ വീട്ടിൽ സുരേഷാണ് ഒപ്പം താമസിച്ചിരുന്ന പനമ്പള്ളി നഗർ സ്വദേശി പ്രീതയെ(43) കൊലപ്പെടുത്തിയത്. കൃത്യത്തിനു പിന്നാലെ സുരേഷ് മുനമ്പം പൊലീസ് സ്റ്റേഷനിലെത്തി കീഴടങ്ങി. തിങ്കളാഴ്ച രാത്രി 8.30ഓടെയാണ് സംഭവം. ബൈക്കിൽ സഞ്ചരിക്കവെ ഇരുവരും തമ്മിൽ തർക്കമുണ്ടായി. വീടിനടുത്തുള്ള വഴിയിൽ ബൈക്ക് നിർത്തിയ സുരേഷ് കൈവശമുണ്ടായിരുന്ന കത്തി ഉപയോഗിച്ച് പ്രീതിയെ പല തവണ കുത്തി. കുത്തേറ്റ പ്രീതി തൊട്ടടുത്ത വീട്ടിലേക്ക് ഓടിക്കയറി. ഇവർ ഉടൻ …

പിൻവലിച്ചിട്ടും തിരികെ എത്താതെ 6181 കോടി രൂപയുടെ 2000 നോട്ടുകൾ; ഇനിയും മാറ്റിയെടുക്കാമെന്ന് ആർബിഐ

മുംബൈ: പിൻവലിച്ചു 2 വർഷം കഴിഞ്ഞിട്ടും 6181 കോടി രൂപ മൂല്യമുള്ള നോട്ടുകൾ ജനങ്ങളുടെ കൈവശമുണ്ടെന്ന് റിസർവ് ബാങ്ക് ഓഫ് ഇന്ത്യ. 2023 മേയ് 19നാണ് 2000 രൂപയുടെ നോട്ടുകൾ പിൻവലിച്ചത്. അന്ന് 3.56 ലക്ഷം കോടി രൂപയുടെ 2000 നോട്ടുകളാണ് വിനിമയത്തിൽ ഉണ്ടായിരുന്നത്. എന്നാൽ മേയ് 31 വരെയുള്ള കണക്ക് പ്രകാരം 6181 കോടി രൂപയുടെ നോട്ടുകൾ ഇനിയും തിരികെ എത്താനുണ്ട്.സാധാരണ ബാങ്കുകളിൽ ഇവ മാറ്റിയെടുക്കുന്നതിനുള്ള സൗകര്യം 2023 ഒക്ടോബർ 7 വരെയായിരുന്നു. അതേസമയം ആർബിഐയുടെ …

ശസ്ത്രക്രിയയിലെ പിഴവിനെ തുടർന്ന് മുൻ കലക്ടർ കോമയിലായെന്ന് പരാതി: ഡോക്ടർക്കെതിരെ കേസ്

തിരുവനന്തപുരം: തിരുവനന്തപുരം മുൻ ജില്ലാ കലക്ടറും പിആർഡി ഡയറക്ടറുമായിരുന്ന എം. നന്ദകുമാർ ശസ്ത്രക്രിയ പിഴവിനെ തുടർന്ന് കോമയിലായ സംഭവത്തിൽ പൊലീസ് കേസെടുത്തു. മകളായ പാർവതിയുടെ പരാതിയിലാണ് സ്വകാര്യ ആശുപത്രിയിലെ ന്യൂറോ സർജൻ ഡോ. കെ. ശ്രീജിത്തിനെതിരെ വഞ്ചിയൂർ പൊലീസ് കേസെടുത്തത്.കഴിഞ്ഞ മാസം 16നാണ് തലയിൽ രക്തസ്രാവം ഉണ്ടായതോടെ നന്ദകുമാറിനെ ആശുപത്രിയിൽ പ്രവേശിപ്പിച്ചത്. പിറ്റേന്ന് തന്നെ ശ്രീജിത്ത് ശസ്ത്രക്രിയ നടത്തി. ഇന്നു മുതൽ നന്ദകുമാർ കോമയിലാണെന്ന് പരാതിയിൽ പറയുന്നു. ശസ്ത്രക്രിയയിലെ പിഴവാണ് ഇതിനു കാരണമെന്നാണ് ആരോപണം. മനുഷ്യജീവന് അപകടം …

പുതുവൈപ്പിനില്‍ കടലില്‍ കുളിക്കാനിറങ്ങിയ രണ്ടു യെമന്‍ സ്വദേശികളെ കാണാതായി; അപകടത്തില്‍പെട്ടത് കോയമ്പത്തൂരില്‍ നിന്ന് വിനോദസഞ്ചാരത്തിനെത്തിയ വിദ്യാര്‍ഥികള്‍

കൊച്ചി: വളപ്പ് ബീച്ചില്‍ നീന്താനിറങ്ങിയ യെമന്‍ പൗരന്മാരെ കടലില്‍ കാണാതായി. കോയമ്പത്തൂര്‍ രത്തിനം കോളജിലെ അബ്ദുല്‍ സലാം(21), ജബ്രാന്‍ ഖലീല്‍ (22) എന്നിവരെയാണ് കാണാതായത്.ഒന്‍പതുപേരാണ് നീന്താനിറങ്ങിയത്. ഉച്ചയ്ക്ക് 12 മണിയോടെയാണ് സംഭവം. കോസ്റ്റല്‍ പൊലീസ്, ഞാറയ്ക്കല്‍ പൊലീസ്, വൈപ്പിന്‍ ഫയര്‍ ഫോഴ്‌സ് തുടങ്ങിയവര്‍ കടലില്‍ തിരച്ചില്‍ നടത്തുകയാണ്. കടലില്‍ ഇറങ്ങരുതെന്ന് തങ്ങള്‍ ആവര്‍ത്തിച്ചു പറഞ്ഞതാണെന്ന് നാട്ടുകാര്‍ പറയുന്നു.ഏറെ അപകടം പിടിച്ച ഈ ബീച്ചില്‍ കുളിക്കാനിറങ്ങി മുമ്പും ആളുകള്‍ അപകടത്തില്‍പ്പെട്ടിട്ടുണ്ട്.ഈ കടല്‍ത്തീരത്ത് ലൈഫ് ഗാര്‍ഡുകളോ മറ്റ് സുരക്ഷാ സംവിധാനങ്ങളോ …