കാസര്‍കോട്: ബദിയടുക്ക, കാസര്‍കോട് പൊലീസ് സ്റ്റേഷന്‍ പരിധിയില്‍ ആടുമോഷണം പതിവാക്കിയ സംഭവത്തില്‍ അറസ്റ്റിലായ സംഘത്തിലെ സഹോദരന്മാരെ കോടതി റിമാന്റുചെയ്തു. മൂകംപാറ സ്വദേശികളായ മുഹമ്മദ് ഷെഫീഖ്(29) ഇബ്രാഹീം ഖലീല്‍(24) എന്നിവരെയാണ് റിമാന്റ് ചെയ്തത്. ഇവരില്‍ നിന്ന് കണ്ടെടുത്ത 15 ആടുകളെ കോടതി നിര്‍ദേശപ്രകാരം ഉടമകള്‍ക്ക് വിട്ടുകൊടുക്കും. ആടുകള്‍ ഇപ്പോള്‍ പൊലീസ് കസ്റ്റഡിയിലാണ്. ആടുമോഷണ സംഘത്തിലെ മൂന്നാമനായ സാലത്തടുക്ക സ്വദേശി സിദ്ധീഖ് ഒളിവിലാണെന്നും ഇയാളെ പിടികൂടാനുള്ള അന്വേഷണം ഊര്‍ജിതമാണെന്നും പൊലീസ് അറിയിച്ചു.