ആലപ്പുഴ: പെരുന്നാള്‍ ദിനത്തില്‍ ജ്യേഷ്ഠന്റെ കുത്തേറ്റ അനുജന്‍ ഇന്നു പുലര്‍ച്ചെ ആലപ്പുഴ മെഡിക്കല്‍ കോളേജ് ആശുപത്രിയില്‍ മരിച്ചു. കായംകുളം, രണ്ടാംകുറ്റി, ലക്ഷം വീട് കോളനിയിലെ സിദ്ദിഖ്(38) ആണ് മരിച്ചത്. സംഭവത്തില്‍ സഹോദരന്‍ ഷാജഹാനെ പൊലീസ് അറസ്റ്റ് ചെയ്തു. തിങ്കളാഴ്ച രാത്രി 9 മണിയോടെയാണ് സംഭവം. മദ്യലഹരിയില്‍ വീട്ടിലെത്തിയ ഷാജഹാന്‍ അനുജന്‍ സിദ്ദിഖുമായി വാക്കുതര്‍ക്കമുണ്ടായി. ഇതിനിടയില്‍ പ്രകോപിതനായ ഷാജഹാന്‍ സഹോദരനെ കുത്തുകയായിരുന്നു. ഗുരുതരമായി പരിക്കേറ്റ സിദ്ദിഖിനെ ആലപ്പുഴ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചുവെങ്കിലും രക്ഷിക്കാനായില്ലെന്ന് പൊലീസ് പറഞ്ഞു.
കൊക്കച്ചാൽ ഡബിൾ ഗേറ്റിൽ കൂറ്റൻ കാറ്റാടി മരം വീണു ഗതാഗതം തടസ്സപ്പെട്ടു: കമ്പി പൊട്ടി വൈദ്യുതി വിതരണം നിലച്ചു
Tuesday, 16 July 2024, 20:27
