ന്യൂഡല്ഹി: മദ്യനയ അഴിമതിക്കേസില് ഇ ഡി അറസ്റ്റു ചെയ്ത ഡല്ഹി മുഖ്യമന്ത്രി അരവിന്ദ് കെജ്രിവാളിനെ ഏപ്രില് 15 വരെ കോടതി ജുഡീഷ്യല് കസ്റ്റഡിയില് വിട്ടു. എന്ഫോഴ്സ്മെന്റ് ഡയറക്ടറേറ്റിന്റെ അപേക്ഷയെത്തുടര്ന്നാണ് ഡല്ഹി റോസ് അവന്യു കോടതി കെജ്രിവാളിനെ ജുഡീഷ്യല് കസ്റ്റഡിയില് വിട്ടത്. മദ്യനയക്കേസില് മാര്ച്ച് 21നാണ് കെജ്രിവാള് അറസ്റ്റിലായത്. കസ്റ്റഡി കാലാവധി അവസാനിച്ചതിനെത്തുടര്ന്നാണ് കെജ്രിവാളിനെ ഇ ഡി ഇന്നു കോടതിയില് ഹാജരാക്കിയത്.