കാസര്‍കോട്: റവന്യു ജില്ലാ സ്‌കൂള്‍ ശാസ്ത്രമേളക്ക് നായന്മാര്‍മൂല ടിഐഎച്ച്എച്ച്എസില്‍ തുടക്കമായി. ജില്ലയിലെ ഏഴു ഉപജില്ലകളില്‍ നിന്നു ഹൈസ്‌കൂള്‍ ,ഹയര്‍ സെക്കണ്ടറി, വൊക്കേഷണല്‍ ഹയര്‍സെക്കണ്ടറി വിഭാഗങ്ങളില്‍ ഒന്നും രണ്ടും സ്ഥാനം നേടിയ പ്രതിഭകളാണ് ജില്ലാതല മത്സരത്തില്‍ മാറ്റുരക്കുന്നത്. പ്രവൃത്തി പരിചയമേള, വിഎച്ച്എസ്ഇ സ്‌കില്‍ ടെസ്റ്റ്, ഐടി മേള, ശാസ്ത്രമേള, ഗണിതശാസ്ത്രമേള, സാമൂഹ്യ ശാസ്ത്രമേള എന്നിവയാണ് ഇന്നും നാളെയുമായി നടക്കുന്ന ശാസ്‌ത്രോത്സവത്തില്‍ നടക്കുക. മേളയുടെ ഔദ്യോഗിക ഉദ്ഘാടനം മന്ത്രി കെ.മുരളീധരന്‍ ഉദ്ഘാടനം ചെയ്തു.
കല്ലട്ര മാഹിന്‍ എംഎല്‍എ ആധ്യക്ഷം വഹിച്ചു. ലോഗോ ഡിസൈനര്‍ക്കുള്ള ഉപഹാരം എകെഎം അഷ്‌റഫ് എംഎല്‍എ സമ്മാനിച്ചു. കെ. നീലകണ്ഠന്‍ എഎല്‍എ മുഖ്യാതിഥിയായി. പ്രമുഖ വ്യക്തികള്‍ സംസാരിച്ചു.
നാളെ ഉച്ചയ്ക്കു നടക്കുന്ന സമാപന സമ്മേളനം ജില്ലാപഞ്ചായത്ത് പ്രസിഡണ്ട് സാബു അബ്രഹാമിന്റെ അധ്യക്ഷതയില്‍ രാജ് മോഹന്‍ ഉണ്ണിത്താന്‍ എംപി ഉദ്ഘാടനം ചെയ്യും. ഗോവിന്ദന്‍ പള്ളിക്കാപ്പില്‍ എംഎല്‍എ, സന്ദീപ് വാര്യര്‍ എംഎല്‍എ എന്നിവര്‍ മുഖ്യാതിഥികളാകും.
ഓവറോള്‍ ചാമ്പ്യന്മാര്‍ക്കുള്ള സമ്മാനദാനം ജില്ല കലക്ടര്‍ ശ്രീധന്യാ സുരേഷും വ്യക്തിഗത സമ്മാനദാനം ജില്ലാ പൊലീസ് മേധാവി പി.നിധിന്‍രാജും നിര്‍വഹിക്കും. പ്രമുഖ വ്യക്തികള്‍ സംബന്ധിക്കും.
