തിരുവനന്തപുരം: മദ്യം കിട്ടണമെങ്കില്‍ ഇനി ആധാര്‍ കാര്‍ഡ് നിര്‍ബന്ധമാക്കി. മദ്യപിക്കാന്‍ എത്തുന്നവരുടെ ആധാര്‍ കാര്‍ഡ് പരിശോധിച്ച് വയസ് വ്യക്തമായതിന് ശേഷം മാത്രമേ മദ്യം നല്‍കാന്‍ പാടുള്ളുവെന്ന് എക്‌സൈസ് മന്ത്രി എം ലിജു പറഞ്ഞു. സംസ്ഥാനത്തെ ബാറുകള്‍ക്ക് മന്ത്രി നിര്‍ദ്ദേശം നല്‍കി. 23 വയസ്സ് ആണ് മദ്യം വാങ്ങാനുള്ള കുറഞ്ഞ പ്രായം. ഇത് കര്‍ശനമായി തന്നെ പാലിക്കണം. ഇത് പാലിക്കുന്നതിലുണ്ടായ വീഴ്ചയാണ് നെടുമ്പാശ്ശേരി മിനികൂപ്പര്‍ വാഹനാപകടത്തില്‍ കണ്ടതെന്നും മന്ത്രി ചൂണ്ടിക്കാട്ടി. ബാറുകളില്‍ മദ്യപിക്കാന്‍ എത്തുന്നവരുടെ ആധാര്‍ കാര്‍ഡ് പരിശോധിക്കേണ്ടത് ബാര്‍ ലൈസന്‍സുകാരുടെ ഉത്തരവാദിത്തമാണെന്നും മന്ത്രി വ്യക്തമാക്കി. സംസ്ഥാന സര്‍ക്കാരിന്റെ എക്‌സൈസ് നയം നവംബറില്‍ നിലവില്‍ വരും. ഹൈക്കോടതിയിലും ഇക്കാര്യം സര്‍ക്കാര്‍ അറിയിച്ചിട്ടുണ്ട്. എല്‍ഡിഎഫ് സര്‍ക്കാരിന്റെ മദ്യനയം ആയിരിക്കില്ല യുഡിഎഫ് സർക്കാരിന്റേതെന്നും എം ലിജു കൂട്ടിച്ചേര്‍ത്തു.
കാസർകോട് മണ്ഡലത്തിൽ ദേശീയപാതയിൽ 5 പുതിയ നടപ്പാലങ്ങൾ; നിർമ്മാണം ആരംഭിച്ചു
Friday, 30 October 2026, 13:04
