കാസർകോട്: ദേശീയപാതയുടെ നിർമ്മാണ പ്രവർത്തനങ്ങളുടെ ഭാഗമായി ബേവിഞ്ചയിൽ മൂന്നുദിവസം ഗതാഗത നിയന്ത്രണം ഏർപ്പെടുത്തി. വ്യാഴാഴ്ച രാവിലെ 5 മണി മുതൽ 19ന് രാവിലെ 10 മണി വരെയാണ് നിയന്ത്രണം. ചെറുവാഹനങ്ങൾ (ബസ്, ഹെവി വാഹനങ്ങൾ ഒഴികെ) കാഞ്ഞങ്ങാട് ഭാഗത്തുനിന്നും കാസർകോട് ഭാഗത്തേക്ക് പോകുന്ന ചെറിയ വാഹനങ്ങളും, കാഞ്ഞങ്ങാട് ഭാഗത്തുനിന്നും ചെർക്കളയിലേക്ക് പോകേണ്ട വാഹനങ്ങളും ബെവിഞ്ച – ചെങ്കള – നാലാംമൈൽ – ഇന്ദിരാനഗർ വഴി (നായനാർ ഹോസ്പിറ്റലിന് സമീപത്തെ റോഡ്) കടന്നു പോകണം.
തിരികെ ചട്ടഞ്ചാൽ – കണ്ണൂർ ഭാഗത്തേക്ക് പോകുന്ന വാഹനങ്ങളും നാലാം മൈൽ സർവീസ് റോഡ് അണ്ടർപാസ് വഴി ഇതേ ക്രമം പാലിക്കണം. ബസ്സുകളും ഹെവി വാഹനങ്ങളും
നിർമാണപ്രവൃത്തി നടക്കുന്ന ഭാഗത്തുകൂടി ഒരു സമയം ഒരു ദിശയിൽ മാത്രം കടത്തിവിടുന്ന രീതിയിലായിരിക്കും ക്രമീകരണമെന്ന് പൊലീസ് അറിയിച്ചു.