പശ്ചിമേഷ്യയിൽ യുദ്ധം അവസാനിപ്പിക്കുന്നതിനായി ഇറാൻ മുൻകൈയെടുത്ത് ഏഴിന സമാധാന പദ്ധതി സമർപ്പിച്ചു. അമേരിക്ക കരാർ അംഗീകരിച്ചാൽ 7 ദിവസത്തിനുള്ളിൽ ഹോർമുസ് കടലിടുക്കിലൂടെയുള്ള കപ്പൽ ഗതാഗതം പുനഃസ്ഥാപിക്കാമെന്നും പോരാട്ടങ്ങൾ നിർത്തിവെക്കാമെന്നും ഇറാൻ വ്യക്തമാക്കിയിട്ടുണ്ട്. പകരം ഇറാനെതിരെയുള്ള ഉപരോധങ്ങളിൽ ഇളവ് വരുത്തണമെന്നാണ് ആവശ്യം.
ഗാസയുടെയും തെക്കൻ ലെബനന്റെയും നിർണായക ഭാഗങ്ങൾ ഇസ്രയേലിനോട് കൂട്ടിച്ചേർക്കണമെന്ന ആഹ്വാനവുമായി തീവ്ര വലതുപക്ഷ നിലപാടുകാരനായ ഇസ്രായേൽ ധനമന്ത്രി ബെസാലെൽ സ്മോട്രിച്ച് രംഗത്തെത്തിയത് വലിയ വിവാദങ്ങൾക്ക് വഴിതുറന്നിട്ടുണ്ട്.
സംഘർഷം കടുക്കുന്നതും വ്യോമപാതകളിൽ നിയന്ത്രണം വന്നതും അന്താരാഷ്ട്ര എണ്ണവില വർധിക്കാനും ഗൾഫ് മേഖലയിലെ ടൂറിസം, വ്യോമയാന മേഖലകളെ ബാധിക്കാനും കാരണമായിട്ടുണ്ട്.
ചെങ്കടൽ മേഖലയിലെ സുരക്ഷയും ഹൂതികളുടെ ആക്രമണ ഭീഷണികളും കണക്കിലെടുത്ത് സൗദി അറേബ്യ ഉൾപ്പെടെയുള്ള ഗൾഫ് രാജ്യങ്ങൾ സുരക്ഷ ശക്തമാക്കിയിട്ടുണ്ട്.
കരാറുകളിൽ അന്തിമ തീരുമാനമാകാത്തതിനാൽ മേഖലയിൽ ഇപ്പോഴും ഉയർന്ന സൈനിക ജാഗ്രത തുടരുകയാണ്.
യുക്രെയ്ൻ യുദ്ധത്തിൽ ദിവസേന ഉണ്ടാകുന്ന കനത്ത ആൾനാശത്തിൽ ആശങ്ക പ്രകടിപ്പിച്ച ട്രംപ്, സമാധാന ചർച്ചകളിലേക്ക് കടക്കാനും റഷ്യയുമായി ഒത്തുതീർപ്പിലെത്താനും യുക്രെയ്ൻ പ്രസിഡന്റ് സെലെൻസ്കിയോട് ആവശ്യപ്പെട്ടു.
അതിർത്തി കടന്നുള്ള ഭീകരവാദത്തിനെതിരെ ഐക്യരാഷ്ട്രസഭയുടെ പൊതുസഭയിൽ ഇന്ത്യ ശക്തമായ മുന്നറിയിപ്പ് നൽകി. പാകിസ്താൻ ഭീകരവാദം പതിവാക്കിയിരിക്കുകയാണെന്ന് ഇന്ത്യൻ വിദേശകാര്യ മന്ത്രി എസ്. ജയശങ്കർ വിമർശിച്ചു.
ഐക്യരാഷ്ട്രസഭാ രക്ഷാസമിതിയിൽ ഇന്ത്യക്ക് സ്ഥിരാംഗത്വം നൽകണമെന്ന ആവശ്യത്തിന് റഷ്യ, മൊറീഷ്യസ്, പോർച്ചുഗൽ എന്നീ രാജ്യങ്ങൾ പിന്തുണ പ്രഖ്യാപിച്ചു.
യു.എസ് – ചൈന വ്യാപാര കരാർ: ദീർഘകാലമായി നിലനിന്നിരുന്ന അമേരിക്ക-ചൈന വ്യാപാര യുദ്ധത്തിന് അയവ് വരുത്തിക്കൊണ്ട് ഇരു രാജ്യങ്ങളും പുതിയ തീരുവ കരാറിന് അന്തിമരൂപം നൽകി.
യുകെയിലെ ഉപതെരഞ്ഞെടുപ്പ് പ്രചാരണത്തിനിടെ ഗസ്സയിലെ ആക്രമണങ്ങളെ ശക്തമായി വിമർശിച്ച് ഗ്രീൻ പാർട്ടി നേതാവ് സാക്ക് പോളാൻസ്കി രംഗത്തെത്തി.
നേപ്പാളിൽ ഹിമപാതം: നേപ്പാളിലെ ഹിംലുങ് ഹിമാൽ ബേസ് ക്യാമ്പിലുണ്ടായ ശക്തമായ ഹിമപാതത്തെ തുടർന്ന് 10 പേരെ കാണാതായി.
ഇലക്ഷൻ കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടു പ്രതിപക്ഷ പാർട്ടികളും ‘ഇന്ത്യ’ സഖ്യവും പ്രതിഷേധം കടുപ്പിക്കുന്നു.
രാജി ആവശ്യത്തിൽ സുപ്രീം കോടതിയിലും വിവിധ ഹൈക്കോടതികളിലും ഹർജികൾ നൽകിയിട്ടുണ്ട്.
ചരിത്രനേട്ടം: ഇന്ത്യൻ റെയിൽവേയുടെ ആദ്യ എൽ.എൻ.ജി. ട്രെയിൻ ഓടിത്തുടങ്ങി.
സബർമതിയിൽ കേന്ദ്ര ആഭ്യന്തര മന്ത്രി അമിത് ഷാ ട്രെയിൻ ഫ്ലാഗ് ഓഫ് ചെയ്തു.
സർജിക്കൽ സ്ട്രൈക്കിന്റെ പത്താം വാർഷികത്തിൽ ഭീകരവാദത്തിനെതിരെ ഇന്ത്യ സ്വീകരിച്ചത് ഉറച്ച നിലപാടാണെന്നും, ഭീകരവാദത്തിന് കനത്ത തിരിച്ചടി നൽകുന്നത് തുടരുമെന്നും പ്രധാനമന്ത്രി നരേന്ദ്ര മോദി വ്യക്തമാക്കി.
ഐക്യരാഷ്ട്രസഭയുടെ പൊതുസഭയിൽ ‘ഗ്ലോബൽ സൗത്തിന്റെ’ ശബ്ദമായി ഇന്ത്യ നിലപാടുകൾ വ്യക്തമാക്കി.
ഭീകരവാദത്തെ തുടർച്ചയായി പ്രോത്സാഹിപ്പിക്കുന്ന നിലപാടിനെതിരെ വിദേശകാര്യ മന്ത്രി എസ്. ജയശങ്കർ ശക്തമായി പ്രതികരിച്ചു.
എൻ.ടി.എ. ആസ്ഥാനത്ത് സി.ഐ.എസ്.എഫ് സുരക്ഷ
പരീക്ഷാ നടത്തിപ്പുമായി ബന്ധപ്പെട്ട വിവാദങ്ങളുടെ പശ്ചാത്തലത്തിൽ, നാഷണൽ ടെസ്റ്റിംഗ് ഏജൻസിയുടെ ഡൽഹിയിലെ ആസ്ഥാനത്തിന് സി.ഐ.എസ്.എഫ് സുരക്ഷ ഏർപ്പെടുത്തി.
കാര്യവട്ടം ഏകദിനം: വെസ്റ്റ് ഇൻഡീസിനെതിരായ ഏകദിന മത്സരത്തിൽ ഇന്ത്യക്ക് 8 വിക്കറ്റിന്റെ ഉജ്ജ്വല വിജയം.
വിരാട് കോഹ്ലിക്ക് റെക്കോർഡ്: ഏകദിന ക്രിക്കറ്റിൽ 15,000 റൺസ് തികച്ച് സച്ചിൻ ടെണ്ടുൽക്കർക്ക് ശേഷം വേഗത്തിൽ ഈ നേട്ടത്തിലെത്തുന്ന താരമായി വിരാട് കോഹ്ലി.
ഏഷ്യൻ ഗെയിംസ് ലോങ് ജംപിൽ മലയാളി താരം ആൻസി സോജൻ 6.53 മീറ്റർ ദൂരം ചാടി വെള്ളി മെഡൽ നേടി.
കേന്ദ്ര ആഭ്യന്തരമന്ത്രി അമിത് ഷായ്ക്കെതിരെ യൂത്ത് കോൺഗ്രസ് പ്രവർത്തകർ കരിങ്കൊടി കാണിച്ച സംഭവത്തെത്തുടർന്ന് സുരക്ഷാ വീഴ്ച ആരോപണമുയർന്നു. ഇതിൽ പ്രതിഷേധിച്ച് കോഴിക്കോട് പ്രിയങ്ക ഗാന്ധി എംപിക്ക് നേരെ യുവമോർച്ച പ്രവർത്തകർ കരിങ്കൊടി പ്രതിഷേധം നടത്തി.
കള്ളക്കടൽ പ്രതിഭാസത്തെ തുടർന്ന് സംസ്ഥാനത്തെ തീരദേശ ജില്ലകളിൽ റെഡ് അലേർട്ട് പ്രഖ്യാപിച്ചു.
ബീച്ചുകൾ കേന്ദ്രീകരിച്ചുള്ള വിനോദസഞ്ചാരവും കടലിൽ ഇറങ്ങുന്നതും ഒഴിവാക്കണമെന്ന് ജാഗ്രതാ നിർദേശമുണ്ട്.
പൂജ-ദീപാവലി തിരക്ക് പ്രമാണിച്ച് ബംഗളൂരു, ചെന്നൈ, മൈസൂരു റൂട്ടുകളിൽ കെഎസ്ആർടിസി അധിക സർവീസുകൾ പ്രഖ്യാപിക്കുകയും വാട്സാപ്പ് വഴി ടിക്കറ്റ് ബുക്കിംഗ് ആരംഭിക്കുകയും ചെയ്തു.
കാസർകോട് കസബ, തളങ്കര തീരങ്ങളിൽ മത്തി കുഞ്ഞുങ്ങളെ പിടികൂടിയ മൂന്ന് വള്ളങ്ങൾ ഫിഷറീസ് വകുപ്പും കോസ്റ്റൽ പൊലീസും ചേർന്ന് പിടി കൂടി പിഴ ഈടാക്കി.
മംഗളൂരു മൂടിപ്പുവിൽ സിറ്റി ക്രൈം ബ്രാഞ്ച് 24 ലക്ഷം രൂപ വിലവരുന്ന 240 ഗ്രാം എം.ഡി.എം.എ യുമായി മൂന്ന് പേരെ അറസ്റ്റ് ചെയ്തു.
