കാസര്‍കോട്: സ്വിഫ്റ്റ് കാറില്‍ വില്‍പനക്കെത്തിച്ച എംഡിഎംഎയുമായി കോളിയടുക്കത്ത് യുവാവ് പിടിയില്‍. പെരുമ്പള സ്വദേശി എംഎ ഇര്‍ഷാദി(35)നെയാണ് ഡാന്‍സാഫ് ടീമിന്റെ സഹകരണത്തോടെ മേല്‍പറമ്പ് പൊലീസ് പിടികൂടിയത്. ചൊവ്വാഴ്ച രാത്രി എട്ടരയോടെ കോളിയടുക്കം കൂളിക്കുന്ന് റോഡില്‍ വച്ചാണ് യുവാവിനെ പിടികൂടിയത്. ബൈക്കുകളിലെത്തിയ ഡാന്‍സാഫ് സംഘം സംശയത്തെ തുടര്‍ന്ന് ചുവന്ന സ്വിഫ്റ്റ് കാര്‍ തടഞ്ഞുവയ്ക്കുകയായിരുന്നു. വിവരത്തെ തുടര്‍ന്ന് മേല്‍പറമ്പ് സബ് ഇന്‍സ്‌പെക്ടര്‍ ടി അഖിലും സംഘവും സ്ഥത്തെത്തി. ചോദ്യം ചെയ്യലില്‍ യുവാവ് പരുങ്ങി നിന്നു. ചോദ്യത്തിന് വ്യക്തമായ മറുപടി ലഭിച്ചില്ല. തുടര്‍ന്ന് ദേഹപരിശോധന നടത്തിയെങ്കിലും ഒന്നും കണ്ടെത്താന്‍ കഴിഞ്ഞില്ല. പിന്നീട് കാറിനുള്ളില്‍ നടത്തിയ തിരച്ചിലില്‍ മാറ്റിനടിയില്‍ സിപ്പ് ലോക്ക് കവറില്‍ സൂക്ഷിച്ച 1.68 ഗ്രാം എംഡിഎംഎ കണ്ടെത്തുകയായിരുന്നു. ഗസറ്റഡ് ഓഫീസറായി എത്തിയ വിദ്യാനഗര്‍ എസ് ഐ പ്രമോദിന്റെ സാന്നിധ്യത്തിലാണ് മറ്റു നടപടികള്‍ നടന്നത്. ഡാന്‍സാഫ് ടീമിലെ രജീഷ് കാട്ടാമ്പള്ളി, നിഖില്‍കുമാര്‍, അനീഷ് കുമാര്‍, ഭക്തശൈവന്‍, മേല്‍പറമ്പ് സ്റ്റേഷനിലെ എസ്‌ഐ ജയപ്രകാശ്, എഎസ്‌ഐ കെ മനു, സീനിയര്‍ സിവില്‍ പൊലീസ് ഓഫീസര്‍ പ്രസാദ് എന്നിവരും റെയ്ഡില്‍ പങ്കെടുത്തു.
അന്വേഷണ മികവിന് മുഖ്യമന്ത്രിയുടെ പൊലീസ് മെഡല് നേടിയ സുനില് എബ്രഹാമിനെ ആദരിച്ചു
Friday, 16 October 2026, 16:46
