കാസർകോട്: പീഡനത്തിനിരയായ 15 കാരി ഗർഭിണിയായ സംഭവത്തിൽ ബേഡകം പൊലീസ് സ്റ്റേഷൻ പരിധിയിലെ 15 കാരനെതിരെ
പോക്സോ കേസെടുത്തു. ഛർദിയെ തുടർന്നാണ് വിദ്യാർത്ഥിനിയെ മാതാവ് കാസർകോട്ടെ ഒരു ആശുപത്രിയിലെത്തിച്ചത്. പരിശോധനയിൽ പെൺകുട്ടി ഒരുമാസം ഗർഭിണിയാണെന്ന് ഡോക്ടർ അറിയിച്ചു. പെൺകുട്ടിയുടെ പരാതിയിലാണ് ബേഡകം പൊലീസ് കേസെടുത്തത്. സ്റ്റേഷൻ പരിധിയിലെ ഒരു വാടക വീട്ടിൽ വച്ചാണ് പീഡനം നടന്നത്. പെൺകുട്ടിയുടെ അടുത്ത സുഹൃത്താണ് പ്രതി. സംഭവത്തിൽ പൊലീസ് വിശദമായ അന്വേഷണം നടത്തിവരികയാണ്.