പയ്യന്നൂര്‍: അട്ടിവച്ച ഇലക്ട്രിക് പോസ്റ്റ് ദേഹത്തേക്ക് വീണ് യുവാവിന് ദാരുണാന്ത്യം. തളിപ്പറമ്പ്, കാഞ്ഞിരങ്ങാട്ടെ ചന്ദ്രന്‍-മാധവി ദമ്പതികളുടെ മകന്‍ അജീഷ് (36) ആണ് മരണപ്പെട്ടത്. ഇന്നലെ (വ്യാഴം) രാത്രി ഏഴരമണിയോടെയാണ് ദാരുണമായ സംഭവം നടന്നത്. റോഡരുകില്‍ അട്ടിവച്ച ഇലക്ട്രിക് തൂണ്‍ മറിഞ്ഞ് അജീഷിന്റെ ദേഹത്തേക്ക് വീഴുകയായിരുന്നു. പരിസരവാസികളുടെ നേതൃത്വത്തില്‍ അജീഷിനെ ഉടന്‍ ആശുപത്രിയിലില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. അപകടം സംബന്ധിച്ച് തളിപ്പറമ്പ് പൊലീസ് കേസെടുത്തു.