നീലേശ്വരം: ശുചിത്വ കേരളം എന്ന ലക്ഷ്യവുമായി നീലേശ്വരം നഗരസഭയും ജില്ലാ കെ.എസ്.ഡബ്ല്യു.എം.പി.യും ചേർന്നു നഗരസഭാ പരിധിയിലെ മുഴുവൻ വാർഡുകളിലും ശുചിത്വ സന്ദേശ വാഹന പ്രചരണ യാത്ര സംഘടിപ്പിച്ചു. നഗരസഭാ ചെയർമാൻ പി. പി. മുഹമ്മദ് റാഫി ഫ്ലാഗ് ഓഫ് ചെയ്തു.
വൈസ് ചെയർപേഴ്സൺ പി. എം. സന്ധ്യ അധ്യക്ഷത വഹിച്ചു. ആരോഗ്യ സ്ഥിരം സമിതി ചെയർമാൻ എ. വി. സുരേന്ദ്രൻ സ്വാഗതം പറഞ്ഞു.
വീടുകളിലെ ഉറവിട മാലിന്യ സംസ്കരണം, ജൈവ-അജൈവ മാലിന്യങ്ങളുടെ വേർതിരിക്കൽ, പ്ലാസ്റ്റിക് ഉപയോഗം കുറയ്ക്കൽ, പൊതുസ്ഥലങ്ങൾ ശുചിയായി സംരക്ഷിക്കൽ, ഹരിതചട്ടങ്ങൾ പാലിക്കൽ എന്നിവ സംബന്ധിച്ച സന്ദേശങ്ങളാണ് പ്രചരണ വാഹനത്തിലൂടെ പൊതുജനങ്ങളിലേക്ക് എത്തിക്കുന്നത്. ശുചിത്വ പ്രവർത്തനങ്ങൾ വിജയകരമാക്കാൻ ഓരോ പൗരന്റെയും സജീവ പങ്കാളിത്തം അനിവാര്യമാണെന്ന് ഉദ്ഘാടന പ്രസംഗത്തിൽ ചെയർമാൻ പറഞ്ഞു.
പരിപാടിയിൽ സ്ഥിരം സമിതി ചെയർമാൻമാരായ കെ. സതീശൻ, ഷമീന മുഹമ്മദ്, ഇ. ചന്ദ്രമതി, കൗൺസിലർമാരായ രാജം, ശ്രീനിവാസൻ, ഷജീർ, സതീശൻ കെ., പി. യു. രാമകൃഷ്ണൻ, പി. ശാന്ത എം., വ്യവസായി പ്രതിനിധി വിനോദ് കുമാർ, ക്ലീൻ സിറ്റി മാനേജർ വി. കെ. കണ്ണൻ, പബ്ലിക് ഹെൽത്ത് ഇൻസ്പെക്ടർമാരായ ബീന വി. വി., ഷിജു കെ., ആശാമേരി, ടിജോ കെ. ജോർജ്, കെ.എസ്.ഡബ്ല്യു.എം.പി. എഞ്ചിനീയർ നീതു,ഹരിതകർമസേന കൺസോഴ്യം സെക്രട്ടറി, പ്രസിഡന്റ്, സന്നദ്ധ പ്രവർത്തകർ പങ്കെടുത്തു.
നഗരസഭയിലെ എല്ലാ വാർഡുകളിലൂടെയും പര്യടനം നടത്തുന്ന ശുചിത്വ സന്ദേശ വാഹനം മാലിന്യമുക്തവും ആരോഗ്യകരവുമായ നഗരനിർമാണത്തിന് പൊതുജനങ്ങളുടെ സഹകരണം അഭ്യർഥിക്കുന്നു .
