തൃശൂര്: തിരുവനന്തപുരം കോര്പ്പറേഷന് കൗണ്സിലറായി ബിജെപിയിലെ ആര് സുഗതന് വീണ്ടും സത്യപ്രതിജ്ഞ ചെയ്തു. ചൊവ്വാഴ്ച രാവിലെ 11 മണിയോടെ വിയ്യൂര് സെന്ട്രല് ജയിലിലെ സൂപ്രണ്ടിന്റെ മുറിയില് വെച്ചാണ് സത്യപ്രതിജ്ഞ ചടങ്ങ് നടന്നത്. മേയര് വി വി രാജേഷ് സത്യവാചകം ചൊല്ലിക്കൊടുത്തു. ഈശ്വരനാമത്തിലാണ് സുഗതന് സത്യപ്രതിജ്ഞ ചെയ്തത്. മേയര് വി വി രാജേഷ്, കോര്പ്പറേഷന് സെക്രട്ടറി, ജയില് സൂപ്രണ്ടിന്റെ ചുമതലയുള്ള രാജേഷ് കുമാര് എന്നിവരാണ് ഡയസില് ഇരുന്നത്. തിരുവനന്തപുരം വാഴോട്ടുകോണം കൗണ്സിലറായ സുഗതന് കാപ്പാ കേസില് തടവിലായി വിയ്യൂര് സെന്ട്രല് ജയിലിലാണുള്ളത്.
ഈ മാസം സത്യപ്രതിജ്ഞ ചെയ്തില്ലെങ്കില് അയോഗ്യനാക്കപ്പെടുമെന്ന സാഹചര്യത്തിലാണ് സുഗതന് കോടതിയെ സമീപിച്ചത്. കാപ്പാ കേസുള്ളതിനാല് ജയില് മോചിതനാക്കാന് കഴിയാത്ത സാഹചര്യത്തില്, ജയിലില് തന്നെ സത്യപ്രതിജ്ഞ ചെയ്യാന് അനുവദിക്കുകയായിരുന്നു. നേരത്തെ ഹിന്ദു ദൈവങ്ങളുടെയും ബലിദാനികളുടേയും പേരില് സത്യപ്രതിജ്ഞ ചെയ്തതിനാല് സുഗതന് അടക്കമുള്ളവരുടെ കൗണ്സിലര് സ്ഥാനം ഹൈക്കോടതി റദ്ദാക്കിയിരുന്നു. വീണ്ടും സത്യപ്രതിജ്ഞ ചെയ്യാന് കോടതി ഉത്തരവിടുകയായിരുന്നു.
ഉദുമയില് യു.ഡി.എഫിന്റെ അവിശ്വാസ പ്രമേയം പാസായി, പഞ്ചായത്ത് ഭരണം എല്ഡിഎഫിന് നഷ്ടമായി
Tuesday, 14 July 2026, 13:06
