കാസര്കോട്: സെന്സസ് ഡ്യൂട്ടിക്കിടെ വളര്ത്തുനായയുടെ കടിയേറ്റ് അധ്യാപികയ്ക്ക് പരിക്ക്. പുത്തിഗെ എയ്ഡഡ് ജൂനിയര് ബേസിക് സ്കൂള് അധ്യാപികയും മുളിയാര് ഇരിയണ്ണി സ്വദേശിനിയുമായ ഇ.ശ്രീജ(40)യ്ക്കാണ് കടിയേറ്റത്. ഞായറാഴ്ച വൈകുന്നേരം ആറോടെ പുത്തിഗെ ഹെഡ്ഡാരക്കട്ട ഉന്നതിയിൽ വച്ചാണ് നായയുടെ കടിയേറ്റത്. അധ്യാപിക സെന്സസ് ഡ്യൂട്ടിക്കായി എത്തിയപ്പോള് കെട്ടിയിട്ടിരുന്ന നായ ചങ്ങല പൊട്ടിച്ച് ഓടിവന്ന് കടിക്കുകയായിരുന്നു. ഉടന്തന്നെ കാസര്കോട് ജനറല് ആശുപത്രിയില് പ്രവേശിപ്പിച്ചു. ഈമാസം മൂന്നിന് തൃക്കരിപ്പൂര് ഉടുമ്പുന്തല ജിഎല്പി സ്കൂള് അധ്യാപകന് മുഹമ്മദ് കബീറിനും സെൻസസ് ഡ്യൂട്ടിക്കിടെ വളര്ത്തുനായയുടെ കടിയേറ്റിരുന്നു.
സെന്സസ് ഡ്യൂട്ടിക്കിടെ അധ്യാപികയ്ക്കു വളര്ത്തുനായയുടെ കടിയേറ്റു, സംഭവം പുത്തിഗെയിൽ
Sunday, 12 July 2026, 22:38
