പടിഞ്ഞാറൻ ഏഷ്യയിലെ യുദ്ധാവസ്ഥ : ഇറാൻ്റെ അടിസ്ഥാന സൗകര്യങ്ങൾക്ക് നേരെ ഇസ്രായേൽ ആക്രമണം നടത്തിയാൽ ശക്തമായ തിരിച്ചടിയുണ്ടാകുമെന്ന് ഇറാൻ്റെ സുരക്ഷാ ഉദ്യോഗസ്ഥർ മുന്നറിയിപ്പ് നൽകി.
യു.എസ്-ഇറാൻ സംഘർഷം നിലനിൽക്കുന്ന പശ്ചാത്തലത്തിൽ അറേബ്യൻ കടലിൽ യു.എസ് യുദ്ധവിമാനങ്ങളും എയർക്രാഫ്റ്റ് കാരിയറുകളും അതീവ ജാഗ്രതയിലാണ്.
യുകെയിൽ രാഷ്ട്രീയ മാറ്റങ്ങൾ: ലേബർ പാർട്ടിയിലെ ഭൂരിഭാഗം ജനപ്രതിനിധികളുടെയും പിന്തുണയോടെ ആൻഡി ബേൺഹാം ബ്രിട്ടൻ്റെ അടുത്ത പ്രധാനമന്ത്രിയാകാൻ ഒരുങ്ങുന്നതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു.
സ്പെയിനിൽ കാട്ടുതീ പടരുന്നു: ദക്ഷിണ സ്പെയിനിലെ അൽമേരിയയിൽ അതിവേഗം പടർന്നുപിടിച്ച കാട്ടുതീയിൽപ്പെട്ട് 12 പേർ മരണപ്പെടുകയും 23 പേരെ കാണാതാവുകയും ചെയ്തു. ബ്രിട്ടീഷ് പൗരന്മാരും ഇതിൽ ഉൾപ്പെട്ടിട്ടുണ്ടെന്നാണ് വിവരം.
ബംഗ്ലാദേശിൽ അധികാരം നഷ്ടപ്പെട്ട മുൻ പ്രധാനമന്ത്രി ഷെയ്ഖ് ഹസീന ഡിസംബറിൽ രാജ്യത്തേക്ക് തിരിച്ചെത്തുമെന്നും പാർട്ടി പ്രവർത്തകർക്കൊപ്പം നിയമത്തിന് മുന്നിൽ കീഴടങ്ങുമെന്നും റിപ്പോർട്ടുകളുണ്ട്.
ഹീലിയം കയറ്റുമതിക്ക് നിരോധനം: ചൈന ഹീലിയം കയറ്റുമതിക്ക് താൽക്കാലിക നിരോധനം ഏർപ്പെടുത്തി. ആഗോള സാങ്കേതിക-വ്യവസായ മേഖലകളിൽ ഇത് വലിയ സ്വാധീനം ചെലുത്തിയേക്കാം.
ഫിഫ ലോകകപ്പ് : ആവേശകരമായ ക്വാർട്ടർ ഫൈനൽ പോരാട്ടത്തിൽ ബെൽജിയത്തെ 2-1 ന് പരാജയപ്പെടുത്തി സ്പെയിൻ സെമി ഫൈനലിൽ പ്രവേശിച്ചു. 89-ാം മിനിറ്റിൽ മൈക്കൽ മെറീനോ നേടിയ ഗോളാണ് സ്പെയിന് വിജയം സമ്മാനിച്ചത്. ചൊവ്വാഴ്ച നടക്കുന്ന സെമി ഫൈനലിൽ സ്പെയിൻ ഫ്രാൻസിനെ നേരിടും.
രാമക്ഷേത്ര ഫണ്ട് തട്ടിപ്പ് വിവാദം ശക്തമാകുന്നു: അയോധ്യ രാമക്ഷേത്ര നിർമ്മാണ ഫണ്ടുമായി ബന്ധപ്പെട്ട് ഉയർന്ന സാമ്പത്തിക തട്ടിപ്പ് ആരോപണങ്ങളിൽ സുപ്രീം കോടതി ചീഫ് ജസ്റ്റിസ് നേതൃത്വം നൽകുന്ന ബെഞ്ച് ജൂലൈ 13-ന് ഹർജികൾ പരിഗണിക്കും. സി.ബി.ഐ അന്വേഷണം ആവശ്യപ്പെട്ടുള്ള ഹർജികളാണ് കോടതിക്ക് മുന്നിലെത്തുന്നത്.
രാജ്യവ്യാപക പ്രതിഷേധവുമായി പ്രതിപക്ഷം: ക്ഷേത്ര ഫണ്ട് തട്ടിപ്പ് കേസിൽ പ്രതികളെ കേന്ദ്ര സർക്കാർ സംരക്ഷിക്കുകയാണെന്ന് ആരോപിച്ച് ആം ആദ്മി പാർട്ടി ഞായറാഴ്ച മുതൽ രാജ്യവ്യാപകമായി ഒപ്പുശേഖരണ കാമ്പയിൻ ആരംഭിക്കും. സംഭവത്തിൽ പ്രധാനമന്ത്രിയുടെ മൗനത്തെ ചോദ്യം ചെയ്തുകൊണ്ട് സി.പി.ഐ രംഗത്തെത്തുകയും സെപ്റ്റംബർ ഒന്നിന് ഡൽഹിയിൽ വൻ റാലി പ്രഖ്യാപിക്കുകയും ചെയ്തു.
കോൺഗ്രസും വാർത്താസമ്മേളനങ്ങൾ നടത്തി സർക്കാരിന് മേൽ സമ്മർദ്ദം ശക്തമാക്കുകയാണ്.
പ്രധാനമന്ത്രി ന്യൂസിലാൻഡിലേക്ക്: ഇന്തോനേഷ്യ, ഓസ്ട്രേലിയ സന്ദർശനങ്ങൾ വിജയകരമായി പൂർത്തിയാക്കിയ ശേഷം പ്രധാനമന്ത്രി നരേന്ദ്ര മോദി ദ്വിദിന സന്ദർശനത്തിനായി ഇന്ന് ന്യൂസിലാൻഡിലെ ഓക്ലൻഡിൽ എത്തും.
ഓസ്ട്രേലിയയിൽ മെൽബൺ ക്രിക്കറ്റ് ഗ്രൗണ്ട് സന്ദർശനവും ഇന്ത്യൻ പ്രവാസികളെ അഭിസംബോധന ചെയ്തുള്ള പരിപാടികളും വൻ ജനശ്രദ്ധ നേടിയിരുന്നു.
’ഐ.എൻ.എസ് മഹേന്ദ്രഗിരി’ ഇന്ന് കമ്മീഷൻ ചെയ്യും: ഇന്ത്യൻ നാവികസേനയുടെ കരുത്ത് വർദ്ധിപ്പിച്ചുകൊണ്ട് പ്രൊജക്ട് 17എ-യുടെ ഭാഗമായി തദ്ദേശീയമായി നിർമ്മിച്ച ആറാമത്തെ സ്റ്റെൽത്ത് ഫ്രിഗേറ്റ് ആയ ‘മഹേന്ദ്രഗിരി’ ( എഫ് – 38) ഇന്ന് വിശാഖപട്ടണത്ത് വെച്ച് നാവികസേനയുടെ ഭാഗമാകും.
വിദേശകാര്യ മന്ത്രിയുടെ ഒമാൻ സന്ദർശനം: കുവൈറ്റ് സന്ദർശനം പൂർത്തിയാക്കിയ കേന്ദ്ര വിദേശകാര്യ മന്ത്രി ഡോ. എസ്. ജയശങ്കർ ഔദ്യോഗിക ചർച്ചകൾക്കായി ഒമാനിൽ എത്തിച്ചേർന്നു. ജൂലൈ 15 വരെയുള്ള അദ്ദേഹത്തിന്റെ വിവിധ വിദേശ സന്ദർശനങ്ങളുടെ ഭാഗമാണിത്.
കാലവർഷ മുന്നറിയിപ്പ്: രാജ്യത്തിന്റെ വിവിധ ഭാഗങ്ങളിൽ ശക്തമായ മഴ തുടരുന്ന സാഹചര്യത്തിൽ ഇന്ത്യൻ കാലാവസ്ഥാ വകുപ്പ് പല സംസ്ഥാനങ്ങളിലും റെഡ് അലർട്ട് ഉൾപ്പെടെയുള്ള ജാഗ്രതാ നിർദ്ദേശങ്ങൾ പുറപ്പെടുവിച്ചിട്ടുണ്ട്. കേരളം അടക്കമുള്ള തീരദേശ മേഖലകളിൽ കടലാക്രമണ സാധ്യതയുമുണ്ട്.
ഇ 20 ഇന്ധനവും മൈലേജും: വരും ദിവസങ്ങളിൽ വാഹനങ്ങളിൽ ഇ20 (20% എഥനോൾ ചേർത്ത പെട്രോൾ) ഉപയോഗം വർദ്ധിക്കുന്നതോടെ വാഹനങ്ങളുടെ മൈലേജിൽ 3 മുതൽ 5 ശതമാനം വരെ കുറവുണ്ടായേക്കാമെന്ന് കേന്ദ്ര മന്ത്രാലയത്തിന്റെ വിലയിരുത്തൽ.
ഭൂപട വിവാദം: ധാക്കയിൽ നടന്ന രാജ്യാന്തര സെമിനാറിൽ ഇന്ത്യയുടെ ഭൂപടം തെറ്റായി പ്രദർശിപ്പിച്ച സംഭവം വിവാദത്തിന് വഴിവെച്ചിട്ടുണ്ട്.
ബിജെപി വ്യാജ ലെറ്റര് ഹെഡ് വിവാദം: ബിജെപി ഭാരവാഹികള്ക്കെതിരെ സംസ്ഥാന അധ്യക്ഷന് അച്ചടക്കനടപടി സ്വീകരിച്ചതായി കാണിച്ച് വ്യാജ ലെറ്റര് ഹെഡില് കത്ത് പ്രചരിപ്പിച്ച സംഭവത്തില് പാർട്ടി സംസ്ഥാന പൊലീസ് മേധാവിക്കു പരാതി നല്കി.
കണ്ണൂരിലെ നഴ്സുമാരുടെ സമരം: സ്വകാര്യ ആശുപത്രികളിലെ നഴ്സുമാരുടെ സമരം ഒത്തുതീർപ്പാക്കാൻ കണ്ണൂർ ജില്ലാ കളക്ടറുടെ നേതൃത്വത്തിൽ നടന്ന ചർച്ചകൾ തീരുമാനമാകാതെ പിരിഞ്ഞു. പ്രശ്നം പരിഹരിച്ചില്ലെങ്കിൽ തിങ്കളാഴ്ച (ജൂലൈ 13) മുതൽ അനിശ്ചിതകാല നിരാഹാര സമരം ആരംഭിക്കുമെന്ന് ഇന്ത്യൻ നഴ്സസ് അസോസിയേഷൻ അറിയിച്ചു. ഇന്ന് ഉച്ചയ്ക്ക് വീണ്ടും ചർച്ച നിശ്ചയിച്ചിട്ടുണ്ട്.
രഞ്ജിത്ത് ശ്രീനിവാസൻ വധക്കേസ്: ഒബിസി മോർച്ച നേതാവായിരുന്ന രഞ്ജിത്ത് ശ്രീനിവാസൻ വധക്കേസിൽ പ്രതികളുടെ അപ്പീൽ പരിഗണിക്കുന്നതിനായി ഹൈക്കോടതിയിൽ പ്രത്യേക പ്രോസിക്യൂട്ടറെ നിയമിച്ചു.
തിരുവനന്തപുരം ഹോട്ടലിൽ തീപിടിത്തം: തിരുവനന്തപുരത്തെ ഹോട്ടൽ ഹൈലാൻഡിൽ വെള്ളിയാഴ്ച വൈകുന്നേരമുണ്ടായ തീപിടിത്തത്തെത്തു ടർന്ന് താമസക്കാരെ സുരക്ഷിതമായി മാറ്റിപ്പാർപ്പിച്ചു.
വിദ്യാർത്ഥിനിയുടെ മരണം ക്രൈം ബ്രാഞ്ചിലേക്ക്: മലയാളി വിദ്യാർത്ഥിനി സാവരിയയുടെ മരണവുമായി ബന്ധപ്പെട്ട കേസ് ക്രൈം ബ്രാഞ്ച് അന്വേഷിക്കും. കോൺഗ്രസ് നേതാവ് രമേശ് ചെന്നിത്തല കുട്ടിയുടെ മാതാപിതാക്കളെ സന്ദർശിച്ചു.
കെഎസ്ആർടിസിയിൽ ശമ്പള പ്രതിസന്ധി: കെഎസ്ആർടിസി എംപാനൽ ജീവനക്കാരുടെ ശമ്പളം മുടങ്ങിയതായി റിപ്പോർട്ട്. നിലവിൽ 7 ദിവസത്തെ ശമ്പളം മാത്രമാണ് ഇവർക്ക് ലഭിച്ചിട്ടുള്ളത്.
സ്വർണ്ണവില: സംസ്ഥാനത്ത് സ്വർണ്ണവിലയിൽ വർധനവ് അനുഭവപ്പെട്ടിട്ടുണ്ട്.
മടിക്കൈയിൽ കെഎസ്ഇബി ജീവനക്കാരൻ ഷോക്കേറ്റ് മരിച്ചു: മടിക്കൈ കണിച്ചിറയിൽ അറ്റകുറ്റപ്പണിക്കിടെ കെഎസ്ഇബി ലൈൻമാൻ ഷോക്കേറ്റ് മരിച്ചു. പുല്ലൂർ മധുരംപാടി സ്വദേശിയായ ഭരതൻ (മാവുങ്കാൽ സെക്ഷൻ) ആണ് മരിച്ചത്.
