കൊച്ചി: അന്സിബയുടെ പരാതിയില് നടി ലക്ഷ്മിപ്രിയ, തൃപ്പൂണിത്തുറ വനിതാ സെല്ലിലെ എസ്ഐ രേഷ്മ തുടങ്ങിയവര്ക്കെതിരെ കേസെടുക്കാന് പൊലീസിന് കോടതിയുടെ നിര്ദേശം. തൃപ്പൂണിത്തുറ മജിസ്ട്രേറ്റ് കോടതിയാണ് പൊലീസിന് ഈ നിര്ണായക നിര്ദേശം നല്കിയത്. വനിതാ സെല്ലില് വെച്ച് തന്നെ നിയമവിരുദ്ധമായി തടഞ്ഞുവെച്ചുവെന്നും, സ്റ്റേഷന് രേഖയില് നിര്ബന്ധിച്ച് മാപ്പെഴുതി ഒപ്പിടിപ്പിച്ചു എന്നുമാണ് അന്സിബയുടെ പരാതി. ലക്ഷ്മി പ്രിയ, ഭര്ത്താവ് ജയേഷ്, വനിതാ സെല് എസ് ഐ എന്നിവര്ക്കെതിരെയായിരുന്നു അന്സിബയുടെ പരാതി നല്കിയത്. ഈ വിഷയത്തില് അന്സിബ മുന്പ് മുഖ്യമന്ത്രിക്കും ആഭ്യന്തരമന്ത്രിക്കും നേരിട്ട് പരാതി നല്കിയിരുന്നു. പരാതി അന്വേഷിച്ച തൃക്കാക്കര എ.സി.പി, ആരോപണങ്ങളില് കഴമ്പില്ലെന്ന് കാണിച്ച് പരാതി തള്ളിക്കളയുകയായിരുന്നു. പൊലീസ് അന്വേഷണം കാര്യക്ഷമമല്ലാത്തതിനാലാണ് തങ്ങള്ക്ക് കോടതിയെ സമീപിക്കേണ്ടി വന്നതെന്ന് അന്സിബ ഹസ്സന്റെ അഭിഭാഷകന് പ്രതികരിച്ചു.
മഞ്ചേശ്വരത്തെ കുടിവെള്ള-ജലക്ഷാമം പരിഹരിക്കുന്നതിന് പ്രത്യേക മാസ്റ്റര് പ്ലാന്: എം.എല്.എ
Sunday, 5 July 2026, 14:12
