പയ്യന്നൂര്: സ്കൂള് ഗ്രൗണ്ടില് വെച്ച് എട്ടാം ക്ലാസ് വിദ്യാര്ത്ഥിയെ ക്രൂരമായി മര്ദ്ദിച്ച കായിക അധ്യാപകനെതിരെ കേസെടുത്തു. പി.ടി അധ്യാപകനായ രഘുവിനെതിരെയാണ് നടപടി. തായിനേരി എസ്.എ.ബി.ടി.എം ഹൈസ്കൂളിലെ കായിക അധ്യാപകനായിരുന്നു. കഴിഞ്ഞമാസം 22-ന് രാവിലെ 11 മണിയോടെയാണ് മര്ദ്ദനം നടന്നത്. വിദ്യാര്ത്ഥിയെ തടഞ്ഞുനിര്ത്തി കൈകൊണ്ടും വടികൊണ്ടും അടിച്ച് പരിക്കേല്പ്പിച്ചതായാണ് പരാതിയില് വ്യക്തമാക്കുന്നത്. 13 കാരനായ വിദ്യാര്ത്ഥിയുടെ മൊഴി രേഖപ്പെടുത്തി ജൂലൈ ഒന്നിനാണ് പയ്യന്നൂര് പൊലീസ് കേസ് രജിസ്റ്റര് ചെയ്തത്.
